ବାଲିଗୁଡ଼ା:ସାପ କାମୁଡାରେ ୩୩ ବର୍ଷର ମହିଳାଙ୍କ ମୃତ୍ୟୁ ହୋଇଥିବା ଜଣାପଡିଛି । ଘରେ ଶୋଇଥିବା ବେଳେ ରାତି ପ୍ରାୟ ୧୧ଟା ସମୟରେ ସାପ କାମୁଡିଥିଲା । ଯାହା ସୂଚନା ରହିଚି ଭବାନୀପାଟଣା ମଣ୍ଡରବଗିଚାର ପବିତ୍ର କୁମାର ସିଂଙ୍କ ସ୍ତ୍ରୀ ମାନସିନୀ ସିଂ ବାଲିଗୁଡା ନିଜ ବାପା ଘର ବୁଲି ଆସିଥିଲେ । ବାଲିଗୁଡାରୁ ନିଜ ମାମୁ ଘର କୁଟିକିଆ ବୁଲି ଯାଇଥିଲେ । କୁଟିକିଆରେ ରାତ୍ରିରେ ଶୋଇଥିବାବେଳେ ବିଷଧର ସାପ କାମୁଡିଥିଲା । ଏହା ଦେଖି ପରିବାର ଲୋକେ ସଂଗେ ସଂଗେ ବାଲିଗୁଡା ମେଡିକାଲରେ ଭର୍ତି କରିଥିଲେ । ପ୍ରାଥମିକ ଚିକିତ୍ସା ପରେ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା । ଭୋର ୫ ଟାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ପଲିସ୍ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛି ।
