ଭୁବନେଶ୍ୱର : କଳ୍ପନାଜଳ୍ପନାର ଅନ୍ତ । ଘୋଷଣା ହେଲା ୪ଜଣ ରାଜ୍ୟସଭା ପ୍ରାର୍ଥୀଙ୍କ ନାମ । ବିଜେଡି ପକ୍ଷରୁ ୪ଜଣ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି । ଏଥିରେ ସସ୍ମିତ ପାତ୍ରଙ୍କୁ ପୁଣି ଥରେ ରିପିଟ କରାଯାଇଥିବା ବେଳେ ମହିଳା ପ୍ରାର୍ଥୀ ଭାବେ ସୁଲତା ଦେଙ୍କୁ ପ୍ରାର୍ଥୀ କରିଛି ଦଳ । ସେହିପରି ଅନ୍ୟ ଦୁଇ ଆସନ ପାଇଁ ମାନସ ମଙ୍ଗରାଜ ଓ ନିରଞ୍ଜନ ବିଶିଙ୍କୁ ପ୍ରାର୍ଥୀ କରିଛି ବିଜୁ ଜନତା ଦଳ ।
ଦଳର ମୁଖପାତ୍ର ସୁଲତା ଦେଓଙ୍କୁ ରାଜ୍ୟସଭା ପଠାଇବାକୁ ଦଳ ନିଷ୍ପତ୍ତି କରିଥିବା ବେଳେ ବିଜେଡିର ଗଣମାଧ୍ୟମ ବ୍ୟାପାର ସଚିବ ମାନସ ରଞ୍ଜନ ମଙ୍ଗରାଜଙ୍କୁ ମିଳିଛି ଦିଲ୍ଲୀ ଟିକେଟ୍ । ସେହିପରି ପୂର୍ବରୁ ରାଜ୍ୟସଭା ସଦସ୍ୟ ଥିବା ଡ.ସସ୍ମିତ ପାତ୍ରଙ୍କୁ ଦୋହରାଇଛି ଦଳ। ଆଦିବାସୀ ନେତା ନିରଞ୍ଜନ ବିଶିଙ୍କୁ ବିଜେଡି ଦିଲ୍ଲୀ ପଠାଉଛି। ସେ ରାଜ୍ୟ ପଶ୍ଚିମ ଓଡ଼ିଶା ଆଦିବାସୀ ମହାସଂଘର ସାଧାରଣ ସଂପାଦକ ଅଛନ୍ତି।
