ସମ୍ବଲପୁର : ଗତ ବିଳମ୍ବିତ ରାତିରେ ସ୍ଥାନୀୟ ବ୍ୟସ୍ତ ବହୁଳ ଚର୍ଚ୍ଚ ଛକ ଠାରେ ପୁଲିସ ଜାଞ୍ଚ କଲାବେଳେ ଗୋଟିଏ ଅଟୋ ରିକ୍ସାରୁ ବ୍ୟାପକ ପରିମାଣରେ ବିଦେଶୀ ମଦ ବିୟର ଜବତ କରାଯାଇଛି । ଏହି ସଙ୍କ୍ରାନ୍ତରେ ଦୁଇଜଣଙ୍କୁ ଅଟକ ରଖି ପଚରାଉଚରା କରାଯାଉଛି । ଏହି ବିଷୟରେ ସ୍ଥାନୀୟ ଟାଉନ ପୁଲିସ ଥାନା ସୂତ୍ରରୁ ପ୍ରାପ୍ତ ସୂଚନା ଅନୁସାରେ ଅଟକ ରଖା ଯାଇଥିବା ଉଭୟ ଅଭିଯୁକ୍ତ ସ୍ଥାନୀୟ ସିଂହପାଲି ନିବାସୀ ପ୍ରକାଶ ବାଗ (୫୦) ଓ କ୍ଷେତରାଜପୁର ନିବାସୀ କହ୍ନେୟା କୁମାର (୩୮) ରୂପେ ଚିହ୍ନଟ ହୋଇଛନ୍ତି ।
ସେମାନଙ୍କ ଠାରୁ ୧୧୦ ବୋତଲ କିଙ୍ଗ ଫିଶର ବିୟର ଓ ୬୦ ବୋତଲ ସେଣ୍ଟର ବିୟର ସହିତ ଏହାକୁ ନେଇଯିବା ପାଇଁ ବ୍ୟବହୃତ ଅଟୋ ରିକ୍ସା, ଏନ ଓଡି ୧୫କ୍ୟୁ ୧୩୨୫ ଜବତ କରାଯାଇଛି । ଏହାକୁ ନେଇ ସେ ଦୁହେଁ ଗୋଲବଜାରରୁ ଅଇଁଠା ପାଲି ଯାଉଥିବା ସମୟରେ ପୁଲିସ ହାତରେ ଧରା ପଡିଛନ୍ତି ।
