ସମ୍ବଲପୁର: ଆଜି ସମଲେଈ ମନ୍ଦିର ଟ୍ରଷ୍ଟ ବୋର୍ଡ଼ ବୈଠକର ନିଷ୍ପତ୍ତି ଓ ପୂଜକ ମାନଙ୍କ ସହମତିରେ ଅଞ୍ଚଳର ଅଧିଷ୍ଠାତ୍ରୀ ଦେବୀ ସମଲେଶ୍ୱରୀ ମନ୍ଦିରରେ ସାଧାରଣ ଭକ୍ତଙ୍କ ଦର୍ଶନ ସମୟରେ ପରିବର୍ତ୍ତନ କରାଯାଇଛି । ଆସନ୍ତାକାଲି ଗୁରୁବାର ଦିନ ଠାରୁ ମନ୍ଦିର ସକାଳ ୬:୦୦ ଟା ରୁ ଖୋଲାଯାଇ ରାତ୍ର ୯:୦୦ ଟା ପର୍ଯ୍ୟନ୍ତ (ଦିବା ଅନ୍ନଭୋଗ, ସାନ୍ଧ୍ୟ ଆଳତି ଓ ରାତ୍ର ଅନ୍ନଭୋଗ ସମୟ ନିର୍ଘଣ୍ଟ ବ୍ୟତିରେକ) ଖୋଲା ରହିବ । ରାତ୍ର ୯:୦୦ ଘଣ୍ଟା ସମୟରେ ମାଙ୍କ ପାଖରେ ଅନ୍ନ ଭୋଗ ଲାଗିଲା ପରେ ପହଡ ପଡି ପରବର୍ତ୍ତୀ ଦିନ ସକାଳ ଆଳତି ପରେ ସକଳ ୬:୦୦ ଘଣ୍ଟାରୁ ଜନସାଧାରଣଙ୍କ ପାଇଁ ଦର୍ଶନ ଆରମ୍ଭ ହେବ । ପୁଣି ଦିବା ୧୨:୦୦ରୁ ଦିବା ୧୨:୩୦ ଘଣ୍ଟା ସମୟ ଅନ୍ନ ଭୋଗ ଲାଗିବା ସମୟରେ ଦର୍ଶନ ବନ୍ଦ ରହିବ ସହ ସନ୍ଧ୍ୟା ୮:୦୦ ରୁ ସନ୍ଧ୍ୟା ୮:୩୦ ମଧ୍ୟରେ ସନ୍ଧ୍ୟା ଆଳତି ପାଇଁ ମଧ୍ୟ ଦର୍ଶନ ବନ୍ଦ ରହିବ । ରାତ୍ର ୯:୦୦ ଟାରେ ଅନ୍ନ ଭୋଗ ଲାଗିବା ପରେ ମାଆଙ୍କର ପହୁଡ ପଡିବ ଓ ପରଦିନ ସକାଳ ଆଳତି ପର୍ଯ୍ୟନ୍ତ ଦର୍ଶନ ପାଇଁ ମନ୍ଦିର ବନ୍ଦ ରହିବ ।
