ବେଆଇନ ଭାବେ ଚାଲି ଆସିଥିବା କାଠ ବ୍ୟବସାୟୀଙ୍କ ଘର ଉପରେ ଚଢାଉ କରାଯାଇ ଲକ୍ଷାଧିକ ଟଙ୍କା ମୂଲ୍ୟର ଶାଳ ସାଇଜ୍ ସହ ଶାଗୁଆନ ପଟ୍ଟା ଜବତ କରାଯାଇଛି । ଗ୍ରାମର ବ୍ରଜବିହାରୀ ସାହୁ ଦୀର୍ଘ ଦିନ ଧରି ଘରେ ଚୋରା ଭାବରେ କାଠ, ପଟ୍ଟା ରଖି ବ୍ୟବସାୟ ଚଳାଇ ଆସିଥିଲେ । ଏ ସମ୍ପର୍କରେ ଖବରପାଇ ପୂର୍ବାହ୍ନରେ ବନାଞ୍ଚଳ ଅଧିକାରୀ ନିର୍ଦ୍ଦେଶ ମଲିକଙ୍କ ତତ୍ତ୍ୱାବଧାନରେ ମୋବାଇଲ୍ ଟିମ୍ ସମେତ ବନ କର୍ମଚାରୀମାନେ ଚଢ଼ାଉ କରିଥିଲେ । ୧୧୯ ଖଣ୍ଡ ଶାଳ ସାଇଜ୍ ସହ ୭୬ ଖଣ୍ଡ ଶାଗୁଆନ ପଟ୍ଟା ଜବତ କରାଯାଇଥିବା ବନାଞ୍ଚଳ ଅଧିକାରୀ ମଲିକ ପ୍ରକାଶ କରିଛନ୍ତି । ସଂପୃକ୍ତ ଅଭିଯୁକ୍ତ ଘଟଣାସ୍ଥଳରୁ ଖସି ପଳାଇଥିବା ବେଳେ ତାଙ୍କ ବିରୋଧରେ ଏକ ମୋକଦ୍ଦମା ରୁଜୁ କରାଯାଇଛି । ଏସବୁ କାଠପଟ୍ଟାର ମାପଚୁପ କରାଯାଇନଥିବା ବେଳେ ଏହାର ସଠିକ ଆକଳନ କରାଯାଇନାହିଁ । ଯାହାର ମୂଲ୍ୟ ଲକ୍ଷାଧିକ ଟଙ୍କା ହେବା ନେଇ ବନାଞ୍ଚଳ ଅଧିକାରୀ ଶ୍ରୀ ମଲିକ ପ୍ରକାଶ କରିଛନ୍ତି ।
