ରାଉରକେଲା : ଦୁଇଟି ଭିନ୍ନ ଭିନ୍ନ ଘଟଣାରେ ସଦର ଥାନା ପୋଲିସ ୫ଜଣ ଅଭିଯୁକ୍ତଙ୍କୁ ଗିରଫ କରିଛି । ସେମାନଙ୍କ ନିକଟରୁ ୨ଟି ଦେଶୀ ବନ୍ଧୁକ ଜବତ କରାଯାଇଥିବା ସଦର ଏସଡିପିଓ କିଶୋର ମୁଣ୍ଡ ସୂଚନା ଦେଇଛନ୍ତି । ଅଭିଯୁକ୍ତମାନେ ହେଲେ ବାଟଗାଁର ସୁଶାନ୍ତ ଜେନା, ଗୋପୀନାଥ ପୁରର ରାଜେଶ ମିଶ୍ର, ବୁଧିଆବର୍ର ତପନ ଖୁଣ୍ଟିଆ, ଅଠରନଳାର ସନ୍ତୋଷ ଦାଶ ଏବଂ ଶାସନ ଦାମୋଦରପୁରର ନାରଣ ଦାସ । ସୁଶାନ୍ତକୁ ଅନ୍ୟକୁ ଧମକ ଦେବା ଅଭିଯୋଗରେ ଗିରଫ କରାଯାଇଥିବା ବେଳେ ଅନ୍ୟ ୪ଜଣଙ୍କୁ ଡକାୟତ୍ ଯୋଜନା କରୁଥିବା ଅଭିଯୋଗରେ ଗିରଫ କରାଯାଇଛି । ସୁଶାନ୍ତ ନିକଟରୁ ଏକ ଅଫୁଟା ଗୁଳି ମଧ୍ୟ ଜବତ କରାଯାଇଛି ।
