ପାଟଣାଗଡ଼: ପାଟଣାଗଡ଼ ସହର ବସଷ୍ଟାଣ୍ଡ ପାଖ ମୁଖ୍ୟ ରାସ୍ତାରେ ଥିବା ମାଧବୀ ଟ୍ରେଡର୍ସ ଫର୍ନିଚର ଦୋକାନରେ ଗତକାଲି ରାତିରେ ନିଆଁ ଲାଗି ଲକ୍ଷାଧିକ ଟଙ୍କା ସାମଗ୍ରୀ ନଷ୍ଟ ହୋଇଯାଇଥିବା ଜଣାପଡ଼ିଛି । ମିଳିଥିବା ସୂଚନା ଅନୁସାରେ ପ୍ରାୟ ରାତି ୧୨ ଘଣ୍ଟା ସମୟରେ ଦୋକାନ ରେ ନିଆଁ ଲାଗି ଜଳୁଥିବା ଦେଖିବାକୁ ମିଳିଥିଲା । ସ୍ଥାନୀୟ ଅଗ୍ନିଶମ ବିଭାଗ ଖବର ପାଇ ଦୁଇଟି ଅଗ୍ନି ଲିଭା ଗାଡ଼ି ସାହାଯ୍ୟରେ ନିଆଁକୁ ଆୟତ୍ତ କରିଥିଲେ । ଦୋକାନରେ ନିଆଁ ଲାଗିବାର କାରଣ ଅସ୍ପଷ୍ଟ ହୋଇଛି ।
ଲକ୍ଷାଧିକ ଟଙ୍କା ଫର୍ନିଚର ସାମଗ୍ରୀ ମହଜୁଦ ଥିଲା, ତାହା ପୋଡ଼ି ପାଉଁଶ ହୋଇଯାଇଛି । ଆଖ ପାଖରେ ଲାଗି ରହିଥିବା ଦୋକାନଗୁଡିକ ଅଳ୍ପକେ ବର୍ତ୍ତି ଯାଇଛି । ଏହି ଭୟାବହ ଅଗ୍ନିକାଣ୍ଡରେ କେହି ମଧ୍ୟ ଆହତ ହୋଇନାହାନ୍ତି । ଏଥିପ୍ରତି ସ୍ଥାନୀୟ ପ୍ରଶାସନ ଦୃଷ୍ଟି ଦେଇ ନିଆଁ ଲାଗି ଲକ୍ଷାଧିକ ଟଙ୍କା ସାମଗ୍ରୀ ନଷ୍ଟ ହୋଇଯାଇଥିବା ଦୋକାନୀଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବି ହେଉଛି ।
