ଗଞ୍ଜାମ/ବ୍ରହ୍ମପୁର: ଦିବ୍ୟ ଜୀବନ ସଂଘ ମହିଳା ଶାଖା ତରଫରୁ ଆଶ୍ରମ ପରିସରରେ ପବିତ୍ର ରଜସଂକ୍ରାନ୍ତି ଅବସରରେ ୧୦୮’ ହନୁମାନ ଚାଳିଶା ପାଠ ଓ ସୁନ୍ଦରାକାଣ୍ଡ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଦିବ୍ୟ ଜୀବନ ସଂଘର ଅରୁଣ କୁମାର ଦାସ ଓ ସିପୁ ଭାଇ ଯୋଗଦାନ କରି ସ୍ୱାମୀ ଶିବାନନ୍ଦ ସରସ୍ୱତୀ ମହାରାଜ ଓ ସ୍ୱାମୀ ଚିଦାନନ୍ଦ ସରସ୍ୱତୀ ମହାରାଜଙ୍କ କଥାମୃତ, ମାନବ ସମାଜକୁ ଶିକ୍ଷା, ଦିବ୍ୟ ଜୀବନର ଆଦର୍ଶ ସମ୍ବନ୍ଧରେ ମତବ୍ୟକ୍ତ କରିଥିଲେ । ଏହି ଅବସରରେ ଆଶ୍ରମ ପରିସରରେ ଥିବା ଚତୁର୍ଦ୍ଧା ମୂର୍ତ୍ତିକୁ ସ୍ନାନ ପୂର୍ଣ୍ଣିମାରେ ସ୍ନାନ ପରେ ଆଜି ପ୍ରଭୁ ଜଗନ୍ନାଥଙ୍କ ପଟିଦିଅଁ ପୁଜା କାର୍ଯ୍ୟକ୍ରମ ଆରମ୍ଭ ହୋଇଛି ବୋଲି ଦିବ୍ୟ ଜୀବନ ସଂଘର ଦକ୍ଷିଣାଞ୍ଚଳ ସମନ୍ୱୟ ସମିତିର କୋଷାଧ୍ୟକ୍ଷ ଶାନ୍ତି ଭୂଷଣ ପଣ୍ଡା କହିଛନ୍ତି । ରବିନ୍ଦ୍ର ନାଥ ଦାସ,ପ୍ରଶାନ୍ତ କୁମାର ନନ୍ଦ,ଗୋପୀନାଥ ଦୋରା,ଶିବାଜୀ ବେହେରା,ଶ୍ରୀନିବାସ ପାତ୍ର, ଅଲେଖ ବେହେରା, ଇନ୍ଦ୍ରଜିତ ସ୍ୱାଇଁ ପ୍ରମୁଖ ପରିଚାଳନା କରିଥିଲେ ।
