ପାରଳାଖେମୁଣ୍ଡି : ବାଳ ମୁକୁନ୍ଦ କେନ୍ଦ୍ର ତରଫରୁ ଆୟୋଜିତ ବାଳ ସତସଙ୍ଗରେ ପିତୃଦିବସ ଅବସରରେ ସ୍ଥାନୀୟ ଶ୍ରୀଧର ନଗରର ଦୀପକ ପାଣିଗ୍ରାହୀଙ୍କ ବାସଗୃହରେ ଜଗତ ପିତା ତଥା ଜଗଦଗୁରୁ ଶ୍ରୀକୃପାଳୁ ମହାରାଜଙ୍କ ପାଦପୂଜନ ସହ ପୂଜାଅର୍ଚ୍ଚନା କରି ଆରତୀ ଓ କୀର୍ତ୍ତନ କରି ପିଲାମାନେ ଅଭିନନ୍ଦନ ଜଣାଇଥିଲେ । ଏଥିରେ ମୁଖ୍ୟଅତିଥି ରୂପେ ଦିବ୍ୟ ଜୀବନ ସଂଘର ସମ୍ପାଦକ ପ୍ରସାଦ ନାୟକ ଯୋଗଦେଇ ପିତୃ ଦିବସ ପାଳନର ମୁଖ୍ୟ ବିଷୟଗୁଡିକ ବୁଝାଇଥିଲେ । ସମସ୍ତ କାର୍ଯ୍ୟକ୍ରମକୁ ସଂଯୋଜକ ନିତ୍ୟାନନ୍ଦ ଚୌଧୁରୀ ତୁଲାଇଥିଲେ ।
