ପାଟଣାଗଡ: ପାଟଣାଗଡ଼ ବନବିଭାଗ ଓ ଅଗ୍ନିଶମ ବିଭାଗର ମିଳିତ ଉଦ୍ୟମରେ ୭୩ତମ ବନ ମହୋତ୍ସବ ପାଟଣାଗଡ଼ ଅଗ୍ନିଶମ ବିଭାଗ କାର୍ଯ୍ୟାଳୟ ପରିସରରେ ସୋମବାର ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମରେ ମୁଖ୍ୟଅତିଥି ରୁପେ ରେଞ୍ଜ ଅଧିକାରୀ ଆନନ୍ଦ ଚନ୍ଦ୍ର ବିଶି, ସମ୍ମାନିତ ଅତିଥି ରୁପେ ଏସ୍ ଓ ଜୀବନ ଟୋପ୍ପେ, ଏଲ୍ଏଫ୍ଏମ୍ ନବିନ ଚନ୍ଦ୍ର ମାଝୀ, ଅଗ୍ନିଶମ କର୍ମଚାରୀ ସୁରେଶ ଚନ୍ଦ୍ର ଧରୁଆ, ଅନୁମ ଖମାରୀ, କିଶୋର ରାଉତ ଘସିରାମ ଦୀକ୍ଷିତ, ସୁଧିର କୁମାର ଜେନା ପ୍ରମୁଖ ଯୋଗଦେଇ ବନ ମହୋତ୍ସବ ସପ୍ତାହ ଉପରେ ଆଲୋକପାତ କରିଥିଲେ । ପରେ କାର୍ଯ୍ୟାଳୟ ପଛପଟ ପଡ଼ିଆ ଏବଂ ରାସ୍ତା କଡରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଅବସରରେ ଅନ୍ୟମାନଙ୍କ ମଧ୍ୟରେ ଆମ ଜଙ୍ଗଲ ଯୋଜନା ଟିମ୍ ଲିଡରଙ୍କ ସମେତ ବନ କର୍ମଚାରୀ, ଅଗ୍ନିଶମ ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ ।
