ପାରଳାଖେମୁଣ୍ଡି : ଗଜପତି ଜିଲ୍ଲା ଗୋଶାଣି ବ୍ଳକର କେରାଣ୍ଡି ଗ୍ରାମ ପଞ୍ଚାୟତର ନୂଆ କେରାଣ୍ଡି ଗ୍ରାମରେ ରାମ ଲିଙ୍ଗେଶ୍ୱର ସେବା ସମବାୟ ସମିତି ଲିଃ ସଭାପତି ପଦବୀ ସକାଶେ ଆଜି ନିର୍ବାଚନ ହୋଇଥିଲା । ଏହି ନିର୍ବାଚନରେ ଦୁଇ ଜଣ ପାର୍ଥୀ ପ୍ରତିଦ୍ୱନ୍ଦିତା କରିଥିଲେ । ଆଜି ସକାଳ ୧୦ ଟାରୁ ୧୨ ଟା ମଧ୍ୟରେ ଭୋଟ ଦେବାର ଥିଲା । ଏହି ନିର୍ବାଚନରେ ପ୍ରିସିଡିଙ୍ଗ ଅଫିସର ଅରୁଣ କୁମାର ପାଠୀ ଓ ପୁଲିଙ୍ଗ ଅଫିସର ଭାବେ ଦୀପକ କୁମାର ସାହୁ ନିୟୋଜିତ ହୋଇଥିଲେ । ଇଲେକ୍ସନ ଅଫିସର ଭାବେ ଜଗନ୍ନାଥ ରଥ ଉପସ୍ଥିତ ଥିଲେ । ଏହି ସମବାୟ ସମିତିରେ ୧୪ ଜଣ ଡିରେକ୍ଟରକୁ ନେଇ ନିର୍ବାଚନ ହୋଇଥିଲା । ଇ. ମୋହନ ରାଓଙ୍କୁ ୯ ଗୋଟି ଭୋଟ ପାଇଥିବା ବେଳେ ପ୍ରଶାନ୍ତ କୁମାର ପାତ୍ର ୫ ଗୋଟି ଭୋଟ ପାଇଥିବାର ନିର୍ବାଚନ ଅଧିକାରୀ ଗଣମାଧ୍ୟମକୁ ସୂଚନା ଦେଇଥିଲେ । ଯେହେତୁ ୯ ଗୋଟି ଭୋଟ ଇ ମୋହନ ରାଓ ପାଇଥିବାରୁ ସଭାପତି ଭାବେ ନିର୍ବାଚିତ ହୋଇଛନ୍ତି ବୋଲି ନିର୍ବାଚନ ଅଧିକାରୀ କହିଛନ୍ତି । ସବୁ କଳ୍ପନାଜଳ୍ପନାର ଅବସାଦ ଘଟିଛି, ପରିଶେଷରେ ଇ ମୋହନ ରାଓ ସଭାପତି ଭାବେ ନିର୍ବାଚିତ ହୋଇଛନ୍ତି । ରାମ ଲିଙ୍ଗେଶ୍ୱର ସେବା ସମବାୟ ସମିତିର ଏହି କାର୍ଯ୍ୟକ୍ରମକୁ ସମ୍ପାଦକ ଇ ରାମ ପ୍ରସାଦ ଓ ଡି.ଟି.ଓ ସହଯୋଗ କରିଥିଲେ । ଶାନ୍ତିଶୃଙ୍ଖଳା ସକାଶେ ପୋଲିସ ମୁତୟନ ହୋଇଥିଲେ ।
