ଦଶପଲ୍ଲା,୧୩/୭: – ନୟାଗଡ଼ ଜିଲ୍ଲା ଦଶପଲ୍ଲା ଥାନା ଟାକରା ଗ୍ରାମପଞ୍ଚାୟତ ଅନ୍ତର୍ଗତ ବୁଗୁଡା ଗ୍ରାମର ୫୭ ନଂ ଜାତୀୟ ରାଜପଥ ପାର୍ଶ୍ୱରେ ଥିବା √ଅଭିମନ୍ୟୁ ନାୟକଙ୍କ ପରିତ୍ୟକ୍ତ ଘରେ କୈଣସି ଅଜଣା ବ୍ୟକ୍ତି, ଏକ ଜରି ବ୍ୟାଗରେ ଦୁଇଟି ବୋମାରଖି ଦେଇଥିଲେ । ଆଜି ସକାଳୁ ଘରକାମ ଲାଗି ଶ୍ରମିକମାନେ ଇଟା ଆଣିବାପାଇଁ ଯାଇଥିବାବେଳେ, ବ୍ୟାଗ୍ରେ କଣ ଅଛି ଭାବି ଗ୍ରାମବାସୀଙ୍କୁ ଜଣାଇଥିଲେ । ଗ୍ରାମର କିଛି ଯୁବକ ପାନଡବାରେ କଣ ଅଛି ଭାବି ସେଥିରୁ ଗୋଟିଏ ଡ଼ବାକୁ ରାସ୍ତାକୁ ଫୋପାଡି ଦେଇଥିଲାବେଳେ ତାହା ପ୍ରଚଣ୍ଡ ଶବ୍ଦ କରି ଫୁଟି ଯାଇଥିଲା । ବୋମା ବିସ୍ଫୋରଣର ଶବ୍ଦ ପ୍ରାୟ ୫ କିଲୋମିଟର ପର୍ଯ୍ୟନ୍ତ ଶୁଭିଥିଲା । ଏହି ପ୍ରଚଣ୍ଡ ବିସ୍ଫୋରଣ ଶବ୍ଦରେ ଗ୍ରାମବାସୀ ଆତଙ୍କିତ ହୋଇ, ଦଶପଲ୍ଲା ପୋଲିସକୁ ଖବର ଦେଇଥିଲେ । ଘଟଣା ସ୍ଥଳରେ ଦଶପଲ୍ଲା ପୋଲିସ ପହଞ୍ଚି ଜୀବନ୍ତ ବୋମାକୁ ଉଦ୍ଧାର କରିବା ସହିତ ତାକୁ ନିଷ୍କ୍ରିୟ କରିଥିଲେ ।
