ଘୁ. ଉଦୟଗିରି: ସ୍ଥାନୀୟ ଲ୍ୟାମ୍ପ ସମବାୟ ସମିତିର ନବ ନିର୍ବାଚିତ ସଭାପତି, ଉପ ସଭାନେତ୍ରୀ, ସଦସ୍ୟ/ସଦସ୍ୟା ମାନଙ୍କୁ ଲ୍ୟାମ୍ପ ସମବାୟ କାର୍ଯ୍ୟାଳୟ ତରଫରୁ ସ୍ୱାଗତ ସମାରୋହ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଲ୍ୟାମ୍ପ ପରିଚାଳନା ନିର୍ଦ୍ଦେଶକ ଶିଶିର କାନ୍ତ ତ୍ରିପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମାରୋହରେ ନିମନ୍ତ୍ରିତ ଅତିଥି ଭାବେ ଡିଆରସିଏସ ପାଣୁ ଚରଣ ସାହୁ, ଏଆରସିଏସ ଗଙ୍ଗାଧର କହଁର, ଏସଆରସିଏସ ଶ୍ରୀମତୀ ଜ୍ୟୋତିର୍ମୟୀ ପ୍ରଧାନ, ଏମ୍ଡି ଭୀମସେନ ସାହୁ , ଫୁଲବାଣୀ ଲ୍ୟାମ୍ପ ଯୋଗ ଦେଇଥିଲେ । ନବ ଗଠିତ ଲ୍ୟାମ୍ପ ସମବାୟ ସମିତି ପରିଚାଳନା ପରିଷଦର ସଭାପତି ଜମେଶ ଚନ୍ଦ୍ର ପ୍ରଧାନ ଓ ଉପ ସଭାନେତ୍ରୀ ଶ୍ରୀମତୀ ଯଶୋଦା ପ୍ରଧାନ ଓ ନିର୍ଦ୍ଦେଶକ କିଶୋର ଚନ୍ଦ୍ର ନାୟକ, ଦିଲୀପ କୁମାର ବଳ, ସଚ୍ଚିଦାନନ୍ଦ ପ୍ରଧାନ,ସାହେବ କହଁର, ବିବେକାନନ୍ଦ ପ୍ରଧାନ, ଦ୍ୱିଜେନ୍ଦ୍ରନାଥ ପ୍ରଧାନ, ମାୟାବନ୍ଧୁ ପ୍ରଧାନ, ବୀରେନ୍ଦ୍ର ପ୍ରଧାନ, ବକ୍ସି ମଲିକ, ଶ୍ରୀମତୀ ଲିଲିମା ପ୍ରଧାନ, ରୁନୁମା ପ୍ରଧାନ, ଯୋଶିତ କୁମାର ପ୍ରଧାନ, ବାକିରାମ ନାୟକ, ସମସ୍ତଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ ସମ୍ବର୍ଦ୍ଧନା କାର୍ଯ୍ୟାଳୟ ପକ୍ଷରୁ ଦିଆଯାଇଥିଲା । ସ୍ୱାଗତ ସମାରୋହରେ ସଭାପତି ସ୍ଥାନୀୟ କୃଷୀ ଓ କୃଷକ ମାନଙ୍କ ବିକାଶ ଓ ସମବାୟର ବିକାଶ ନିମନ୍ତେ ସଦାସର୍ବଦା କାର୍ଯ୍ୟ କରିବି ଓ ସାଧାରଣ ଲୋକଙ୍କ ହିତକର ହୋଇ ସମବାୟ ନିମନ୍ତେ ହିତକର ହେବି ବୋଲି ନିଜ ବକ୍ତବ୍ୟରେ ପ୍ରକାଶ କରିଥିଲେ । ସମସ୍ତ ସଦସ୍ୟ, ସଦସ୍ୟାଙ୍କ ସହ ସମବାୟ କାର୍ଯ୍ୟାଳୟ କର୍ମକର୍ତ୍ତାଙ୍କ ସହଯୋଗରେ ଓ ସ୍ୱଚ୍ଛତାର ସହ ସ୍ଥାନୀୟ କୃଷି ଓ କୃଷକର ସ୍ୱାର୍ଥ ରକ୍ଷା ଓ ସମବାୟ ସମିତିର ବିକାଶ ଦିଗରେ କର୍ଯ୍ୟକରିବା ନିମନ୍ତେ ସମସ୍ତେ ହାତକୁ ହାତ ମିଶାଇ ଶପଥ ଗ୍ରହଣ କରିଥିଲେ । ସମସ୍ତ ଉପସ୍ଥିତ ଅତିଥି ସମବାୟ ବିକାଶ ନିମନ୍ତେ ନିଜ ନିଜ ମତ ରଖି ଥିଲେ ଯେପରି ଅଞ୍ଚଳର ଜନସାଧାରଣ ଉପକୃତ ହେବେ ସେଥି ନିମନ୍ତେ କାର୍ଯ୍ୟ କରିବେ ବୋଲି ପ୍ରତିଶୃତି ବୋଧ ହୋଇଥିଲେ । ସମସ୍ତ ନିର୍ଦ୍ଦେଶକ ନିଜ ନିଜ ପରିଚୟ ଦେଇ ସମିତି ବିଷୟରେ ମଧ୍ୟ ନିଜ ମତ ବ୍ୟକ୍ତ କରିଥିଲେ । ଆଜିର ଏହି ସ୍ୱାଗତ ସମାରୋହ କାର୍ଯ୍ୟରେ ଲ୍ୟାମ୍ପ କାର୍ଯ୍ୟାଳୟର ଏମଡି ଶିଶିର କାନ୍ତ ତ୍ରିପାଠୀ ପରିଚାଳନା କରିଥିବା ବେଳେ ଆକାଉଣ୍ଟାଣ୍ଟ ପିତାମ୍ବର ସାହୁ, ଡିଇଓ ରୀଙ୍କୁ କୁମାର ପ୍ରଧାନ, ଏଲଏ ଧର୍ମରାଜ ପ୍ରଧାନ ଓ ଅକ୍ଷୟ କୁମାର ପାଳ ସହଯୋଗ କରିଥିଲେ ।
