ଗଞ୍ଜାମ:ଆସନ୍ତା ୨୬ ତାରିଖରେ କାର୍ଗିଲ ବିଜୟ ଦିବସ ପାଳନ କରିବା ଅବସରରେ ଏକ ପ୍ରସ୍ତୁତି ବୈଠକ ଜଗଦଳପୁର ପଞ୍ଚାୟତ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । କୁକୁଡାଖଣ୍ଡି ବ୍ଲକ ଅନ୍ତର୍ଗତ ଜଗଦଳପୁର ପଞ୍ଚାୟତ ମାଟିର ପୁଅ ସହିଦ୍ ଏସ୍ ଶ୍ରୀନିବାସ ପାତ୍ରଙ୍କ ପ୍ରତିମୂର୍ତ୍ତି ଠାରେ ଆସନ୍ତା ୨୬ ତାରିଖରେ କାର୍ଗିଲ ବିଜୟ ଉତ୍ସବ ପାଳନ ନିମନ୍ତେ ଜଗଦଳପୁର ଗ୍ରାମର ଯୁବ ଗୋଷ୍ଠୀ, ବୁଦ୍ଧିଜୀବୀ, ପଞ୍ଚାୟତର ୱାର୍ଡ ମେମ୍ବରଙ୍କ ଉପସ୍ଥିତରେ ଏହି ପ୍ରସ୍ତୁତି ବୈଠକ ସ୍ଥାନୀୟ ସରପଞ୍ଚ କ୍ରାନ୍ତୀ କୁମାରୀ ଦେବୀଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ଏଥିରେ ଗ୍ରାମର ଦୁଇଟି ସରକାରୀ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ନେଇ ଦେଶାତ୍ମକ ସଂଗୀତ,ବକୃତା ଏବଂ ଚିତ୍ରାଙ୍କନ ଆଦି ପ୍ରତିଯୋଗିତାରେ ଛାତ୍ର ଛାତ୍ରୀ ମାନଙ୍କୁ ଅଂଶଗ୍ରହଣ କରିବା ନିମନ୍ତେ ଉପସ୍ଥିତ ଶିକ୍ଷୟତ୍ରୀ ମାନଙ୍କୁ ଅନୁରୋଧ କରାଯାଇଥିଲା । ଏହି ପ୍ରତିଯୋଗିତାରେ ଉତ୍ତୀର୍ଣ୍ଣ ହୋଇଥିବା ଛାତ୍ରଛାତ୍ରୀଙ୍କୁ ବିଜୟ ଉତ୍ସବ ଦିବସରେ ମୁଖ୍ୟ ଅତିଥିଙ୍କ ଦ୍ୱାରା ପୁରସ୍କୃତ କରାଯିବ ବୋଲି ବୈଠକରେ ନିଷ୍ପତ୍ତି ହୋଇଛି ।
ଏହି ପରିପ୍ରେକ୍ଷୀରେ ଜଗଦଳପୁର ଗ୍ରାମରେ ସ୍ଥାନୀୟ ଛାତ୍ର ଓ ଯୁବକ ମାନଙ୍କ ମିଳିତ ସହଯୋଗରେ ସହିଦ୍ ଶ୍ରୀନିବାସ କ୍ରିକେଟ ଟୁର୍ଣ୍ଣାମେଣ୍ଟ ଆୟୋଜିତ କରିବା ପାଇଁ ନିଷ୍ପତ୍ତି ନିଆଯାଇଛି । ଏହି ବୈଠକରେ ସ୍ଥାନୀୟ ସମିତିସଭ୍ୟ ବି.ରବୀନ୍ଦ୍ର ପାତ୍ର,ପଞ୍ଚାୟତ ନିର୍ବାହୀ ଅଧିକାରୀ ରବୀନ୍ଦ୍ର କୁମାର ନାୟକ, ଯୋଗାଣ ସହାୟିକା ନକ୍ଷତ୍ରମାଳା ପ୍ରଧାନ, ନାୟବ ସରପଞ୍ଚ ଏସ୍.ମନୋଜ ପାତ୍ର, ପୂର୍ବତନ ସରପଞ୍ଚ ଏଲ. ପୁରୁଷୋତ୍ତମ ପାତ୍ର, ହାଡୁବନ୍ଧୁ ବେହେରା, କେ.ତ୍ରିନାଥ ପାତ୍ର, ସୁଦର୍ଶନ ସାହୁ, ରାମେୟା ପାତ୍ର, ମୁର୍ତ୍ୟୁଞ୍ଜୟ ସାହୁ, ନାଗେଶ ପାତ୍ର, ସିଏଚ୍.ମନୋଜ କୁମାର ପାତ୍ର, ଇଶ୍ୱର ସେଠୀ, ଇ. ରଞ୍ଜନ, ନାରାୟଣ ପ୍ରଧାନ, ଭାରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ସୁନିତା ପଣ୍ଡା, ଶୁଭଶ୍ରୀ ବେହେରା, ମିନତୀ ବେହେରା, ବାଉରୀବନ୍ଧୁ ପାତ୍ର, ଏଲ୍. ଭଦ୍ରିନାରାୟଣ ପାତ୍ର, ନାରାୟଣ ପ୍ରଧାନ, ଏଲ୍.ବିପ୍ଳବ ପାତ୍ର, ମିଟୁ ପାତ୍ର,ରାଜୁ ଦାସ, ଅର୍ଚ୍ଚନା ଦାସଙ୍କ ସମେତ ଅନ୍ୟ ମାନ୍ୟଗଣ୍ୟ ବ୍ୟକ୍ତି ବିଶେଷ ପ୍ରମୁଖ ଉପସ୍ଥିତ ଥିଲେ ।
