ପୁରୀ : ପୁରୀ ଜିଲ୍ଲା କଂଗ୍ରେସ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ପୁରୀ ଜିଲ୍ଲା କଂଗ୍ରେସ ସଭାପତି ରବୀନ୍ଦ୍ର ସେଠୀଙ୍କ ନେତୁତ୍ୱ ଶତାଧିକ କଂଗ୍ରେସ କର୍ମୀ ଏକଜୁଟ ହୋଇ ବିକ୍ଷୋଭ ପ୍ରଦର୍ଶନ କରିଥିଲେ । କେନ୍ଦ୍ର ବିଜେପି ସରକାର ଯେଭଳି ରାଜନୀତିକ ପ୍ରତିଶୋଧ ନେବା ପାଇଁ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଓ ରାହୁଲ ଗାନ୍ଧୀଙ୍କୁ ଇଡିକୁ ବ୍ୟବହାର କରି ଯେଉଁଭଳି ଭାବରେ ମାନସିକ ନିର୍ଯାତନା ଦିଆଯାଇଛି ତାକୁ ବିରୋଧ କରିବା ସହିତ ଜିଲ୍ଲାରେ ବିକ୍ଷୋଭ ପ୍ରଦର୍ଶନ କରାଯାଇଛି ବୋଲି ଜିଲ୍ଲା ସଭାପତି କହିଛନ୍ତି । ସେପଟେ ସରକାର ଦରଦାମ ନିୟନ୍ତ୍ରଣ ରୋକିବାରେ ବିଫଳ ଥିବା ବେଳେ ଇଡି କୁ ଲଗାଇ ଯେଉଁ ଭଳି ଭାବରେ ପ୍ରସଙ୍ଗକୁ ଲୋକଲୋଚନରୁ ଦୂରେଇବାକୁ ଚାହୁଛି ତାକୁ ବରଦାସ୍ତ କରାଯିବ ନାହିଁ ବୋଲି ଚେତାବନୀ ଦେଇଚି କଂଗ୍ରେସ ।
