ପାରଳାଖେମୁଣ୍ଡି : ଗଜପତି ଜିଲ୍ଲା ଗୁମ୍ମା ବ୍ଲକ ଅନ୍ତର୍ଗତ ତରଙ୍ଗଡ଼ା ପଞ୍ଚାୟତର ନୂଆ କେକେସିଂ ଗ୍ରାମର ପ୍ରଭାକର ପାଣିଙ୍କ ସ୍ତ୍ରୀ ଓ ଘରେ ଏକ ମାତ୍ର ରୋଜଗାରିଆ ପୁଅ ଅସୁସ୍ଥ ଅବସ୍ଥାରେ ଥିବା ଖବର ପାଇ ସାଂସଦ ଚନ୍ଦ୍ର ଶେଖର ସାହୁ ତୁରନ୍ତ କିଛି ଆର୍ଥିକ ( ଦଶ ହଜାର ଟଙ୍କା ) ସହାୟତା ପ୍ରଦାନ କରି ବ୍ଲକ ଓ ଜିଲ୍ଲା ପ୍ରଶାସନଙ୍କୁ ତୁରନ୍ତ ପଦକ୍ଷେପ ନେବାକୁ କହିଛନ୍ତି । ସାଂସଦଙ୍କ ନିର୍ଦ୍ଦେଶ କ୍ରମେ ଗୁମ୍ମା ବ୍ଲକ ଅଧକ୍ଷା ଶ୍ରୀମତୀ ସୁନେମି ମଣ୍ଡଳ, ସାଂସଦ ପ୍ରତିନିଧି ବିମଳ ଦଳେଇ, ସୁଜିତ ଦାଶ ଓ ତହସିଲଦାର ତଥା ଭାରପ୍ରାପ୍ତ ବିଡ଼ିଓ ଭାସ୍କର ଚନ୍ଦ୍ର ସାହୁ , ଯୋଗାଣ ଅଧିକାରୀ ଶୁଭଶ୍ରୀ ଜେନା, ଗ୍ରାମସେବକ କରୁଣାକର ଭୂୟାଁ, ସରପଞ୍ଚ ଜହନ ମଣ୍ଡଳ ,ଉପେନ୍ଦ୍ର ମାଛ ପହଁଚି ଚାଉଳ ଓ କିଛି ରାସନ ସାମଗ୍ରୀ ପ୍ରଦାନ କରିଛନ୍ତି ଏବଂ ଆଉ କିଛି ଅଧିକ ସରକାରୀ ସହାୟତା ପ୍ରଦାନ କରିବା ପାଇଁ ପ୍ରଶାସନଙ୍କୁ ଅନୁରୋଧ କରିଛନ୍ତି ।
