ଦଶପଲ୍ଲା : -ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ୍ ଅନ୍ତର୍ଗତ ଆଦିବାସୀ ଅଧ୍ୟୁଷିତ କୁଜାମେଣ୍ଢି ଗ୍ରାମପଞ୍ଚାୟତ ବଣିଗ୍ରାମ ନିକଟବର୍ତ୍ତୀ ତଳ ମୁଣ୍ଡଳା ଗ୍ରାମରେ ବିଜୁଳି ଆଘାତରେ ୧୭ ଗୋଟି ଗାଈ ଓ ବଳଦ ମୃତ୍ୟୁବରଣ କରିଛନ୍ତି । ଆଜି ଅପରାହ୍ନ ୧ ଘଟିକା ସମୟରେ ଅଚାନକ ଘଡଘଡି ସହିତ ପ୍ରବଳ ବର୍ଷା ସାଂଗକୁ ଘନଘନ ବଜ୍ରପାତ ହୋଇଥିଲା । ଏହି ସମୟରେ ସ୍ଥାନୀୟ ଜଂଗଲରେ ଗାଈଗୋରୁମାନେ ଚରୁଥିବା ବେଳେ ବଜ୍ରପାତ ଘଟିଥିଲା । ଏହି ବଜ୍ରପାତରୁ ଗୋରୁଚରାଳି ଅଳ୍ପକେ ରକ୍ଷାପାଇ ଯାଇଥିବାବେଳେ ଭୟଙ୍କର ବଜ୍ରପାତରେ ୧୭ ଗୋଟି ଗାଈବଳଦଙ୍କର ମୃତ୍ୟୁ ହୋଇଛି ।
