ବୌଦ୍ଧ : ବୌଦ୍ଧ ଜ଼ିଲ୍ଲା ବୌଦ୍ଧ ବ୍ଲକର ଅନ୍ତର୍ଗତ ଶାଗଡା ଗ୍ରାମ ପଂଚାୟତ ପରିସରରେ ଚନ୍ଦ୍ରମା ଅନୁଷ୍ଠାନ ଏବଂ ଶଗଡା ଗ୍ରାମପଂଚାୟତ ଅଧିନସ୍ଥ ବଣିକ ସଂଘର ମିଳିତ ଆନୁକୂଲ୍ୟରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରରେ ମୁଖ୍ୟ ଅତିଥି ଭାବରେ ଅତିରିକ୍ତ ଜ଼ିଲ୍ଲାପାଳ ଶ୍ରୀମତୀ ବବିତାରାଣୀ ଦଳବେହେରା ଯୋଗଦେଇ ଶିବିରକୁ ଉଦଘାଟନ କରିଥିଲେ ଏବଂ ରକ୍ତଦାତା ମାନଙ୍କୁ ଉତ୍ସାହିତ କରିବା ସହ ଧନ୍ୟବାଦ ଦେଇଥିଲେ । ଏହି ଭଳି କାର୍ଯ୍ୟକ୍ରମ ଗ୍ରାମାଞ୍ଚଳରେ ଜାରି ରଖିବା ପାଇଁ ଚନ୍ଦ୍ରମା ଅନୁଷ୍ଠାନକୁ ଉତ୍ସାହିତ କରିଥିଲେ । ଶିବିରରେ ମୋଟ ୩୪ ୟୁନିଟ ରକ୍ତ ସଂଗ୍ରହ ହୋଇଥିଲା ।
ଶିବିରରେ ଶଗଡ଼ ଗ୍ରାମପଞ୍ଚାୟତର ସରପଞ୍ଚ ଶ୍ରୀମତୀ ସାନ୍ଧ୍ୟରାଣୀ ମହାକୁଡୁ, ଶଗଡା ସ୍ୱାସ୍ଥ୍ୟକେନ୍ଦ୍ରର ମେଡିକାଲ ଅଫିସର ବିଶ୍ୱନାଥ ଶତପଥୀ, ଚନ୍ଦ୍ରମା ଅନୁଷ୍ଠାନର ଉପ-ସଭାପତି କରୁଣାକର ଘାଣ୍ଟୁଆଳ ଓ କର୍ମକର୍ତ୍ତା, ଶାଗଡା ବଣିକ ସଂଘର ସ୍ୱେଚ୍ଛାସେବୀ କର୍ମୀମାନେ ଏବଂ ଗ୍ରାମବାସୀ ବୃନ୍ଦ ଉପସ୍ଥିତ ଥିଲେ ।
