ବାଲିଗୁଡ଼ା: କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ପରିସରରେ ଥିବା ସିଆରପିଏଫ୍ କ୍ୟାମ୍ପରେ ୧୨୭ ବାଟାଲିୟନ ସିଆରପିଏଫ୍ ପକ୍ଷରୁ ୮୩ ତମ ଜନ୍ମ ଦିବସ ପାଳିତ ହୋଇଯାଇଛି । ୟୁନିଟ୍ ଅଧିକାରୀ କମାଣ୍ଡାଣ୍ଟ ଆନନ୍ଦ ଝାଙ୍କ ସମେତ ଅନ୍ୟ ଅଧିକାରୀ ଯବାନଙ୍କ ସହ ଏହି ଉତ୍ସବକୁ ପାଳନ କରିଛନ୍ତି । ଏହି କାର୍ଯ୍ୟକ୍ରମରେ ପ୍ରଥମେ ଶହୀଦମାନଙ୍କୁ ସମ୍ମାନିତ କରାଯାଇଥିଲା ଏବଂ କମାଣ୍ଡାଣ୍ଟ୍ ଯବାନମାନଙ୍କୁ ସେମାନଙ୍କ ସଫଳତା ପାଇଁ ଅଭିନନ୍ଦନ ଜଣାଇଥିଲେ । ଏଥିସହିତ ସମସ୍ତ ପଦକ ବିଜେତାଙ୍କୁ ପ୍ରଶଂସା କରିଥିଲେ । ଏହି ଉତ୍ସବରେ ବିଭିନ୍ନ କାର୍ଯ୍ୟକ୍ରମର ଆୟୋଜନ ହୋଇଥିଲା । ଫୋର୍ସର ସହିଦମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବା ସହିତ ଅନ୍ୟାନ୍ୟ କାର୍ଯ୍ୟକ୍ରମ ଆରମ୍ଭ ହୋଇଥିଲା । ଏହି ଅବସରରେ ଯବାନମନକୁ ସମ୍ବୋଧିତ କରିଥିଲେ କମାଣ୍ଡାଣ୍ଟ୍ ଆନନ୍ଦ ଝା । ବିଶ୍ୱସ୍ତତା ଏବଂ ଆନ୍ତରିକତା ସହିତ ସେମାନଙ୍କର କର୍ତ୍ତବ୍ୟ ସମ୍ପାଦନ କରିଥିବା ବଳ କର୍ମଚାରୀଙ୍କ ଅବଦାନକୁ ପ୍ରଶଂସା କରିଥିଲେ । ଅତି ଉତ୍କଷ୍ଠ ସେବା ପଦକ ଏବଂ ଉତ୍କଷ୍ଠ ସେବା ପଦକ ପ୍ରଦାନ କରାଯାଇଥିବା ସେହି କର୍ମଚାରୀଙ୍କ ନାମ କୁହାଯାଇଥିଲା ଏବଂ ସେମାନଙ୍କର ଉଦ୍ୟମକୁ ପ୍ରଶଂସା କରାଯାଇଥିଲା । ପରେ ଦୁଇଟି କମ୍ପାନୀ ମଧ୍ୟରେ ଏକ ବନ୍ଧୁତ୍ୱପୂର୍ଣ୍ଣ ଭଲିବଲ୍ ମ୍ୟାଚ୍ ଆୟୋଜିତ ହୋଇଥିଲା । ଶେଷରେ ଏକ ବଡ଼ ଭୋଜର ଆୟୋଜନ ସହିତ କାର୍ଯ୍ୟକ୍ରମ ଶେଷ ହୋଇଥିଲା । ଏହି କାର୍ଯ୍ୟକ୍ରମ ମାଧ୍ୟମରେ କାର୍ଯ୍ୟରତ ଯବାନ୍ ମାନେ ବେସ୍ ଉତ୍ସାହିତ ହେବାସହ ଶହୀଦ୍ ଜବାନ୍ ମାନଙ୍କ କାର୍ଯ୍ୟଶୈଳୀ ଓ ବିଳମ୍ବ ବିଷୟରେ ଅବଗତ ହୋଇଥିଲେ ।
