ଜଗତସିଂହପୁର : ଜଗତସିଂହପୁର ଜିଲା ସଦର ଥାନା ତରଡାପଡ଼ା ବ୍ଲକ ମଜୁରାଇ ଠାରେ ଗୁଳିକାଣ୍ଡ । ଗୁଳିକାଣ୍ଡରେ ଦୁଇଜଣ ଗୁରୁତର ହୋଇଥିବା ଜଣାପଡିଛି । ଗୁରୁତର ମାନେ ହେଲେ ମଜୁରାଇ ଗାଁର ପୀତବାସ ଦାସ ଓ ଅବିନାଶ ଦାସ । ଉଭୟଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ପ୍ରଥମେ ଜଗତସିଂହପୁର ସ୍ୱାସ୍ଥ୍ୟକେନ୍ଦ୍ର ଓ ପରେ କଟକ ସ୍ୱାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତର କରାଯାଇଛି । ଗୁଳିକାଣ୍ଡ ଘଟାଇଥିବା ଅଭିଯୁକ୍ତ ଜଣକ ହେଉଛି ଭଦ୍ରକ ଅଞ୍ଚଳର ଚନ୍ଦ୍ର ମଣି ପରିଡା । ସେ ମଜୁରାଇ ଠାରେ ଘର କରି ବ୍ୟାଙ୍କ ସିକ୍ୟୁରୀଟି ଭାବରେ କାର୍ଯ୍ୟ କରି ରହି ଆସୁଛନ୍ତି । ଗୁଳିମାଡରେ ଆହତ ହୋଇଥିବା ପୀତବାସ ଓ ଅବିନାଶ ଉଭୟ ଚନ୍ଦ୍ରମଣିଙ୍କ ସମ୍ପର୍କୀୟ ବୋଲି ଜଣାପଡ଼ିଛି । ଖବର ପାଇ ଜଗତସିଂହପୁର ସଦର ପୋଲିସ ଘଟଣାର ତଦନ୍ତ କରିବା ସହ ଗୁରୁତରମାନଙ୍କୁ କଟକ ସ୍ଥାନାନ୍ତର କରିବା ସହ ଅଭିଯୁକ୍ତ ଚନ୍ଦ୍ରମଣିକୁ ଗିରଫ କରିଛି । ତେବେ ଗୁଳିକାଣ୍ଡର ସଠିକ କାରଣ ସ୍ପଷ୍ଟ ହୋଇ ପାରିନାହିଁ । ପରିବାରଙ୍କ କହିବା ମୁତାବକ ଚନ୍ଦ୍ରମଣି ମଦ ପିଇ ଏଭଳି କାଣ୍ଡ ଘଟାଇଛି ବୋଲି ଜଣାପଡ଼ିଛି ।
