ଖପ୍ରାଖୋଲ : ଖପ୍ରାଖୋଲ ପାଟଣାଗଡ ରାସ୍ତା ଓଏଭି ନିକଟରେ ଦିନ ଦ୍ୱିପ୍ରହରରେ ଜଣେ ମୋଟର ସାଇକେଲ ଆରୋହୀ ଠାରୁ ମୋବାଇଲ, ଟାବଳେଟ୍ ଫୋନ ସହ କାଗଜପତ୍ର ଲୁଟେରାମାନେ ଲୁଟି ନେଇଥିବା ଅଭିଯୋଗ ଖପ୍ରାଖୋଲ ପୋଲିସ ପାଖରେ ହୋଇଛି । ସୂଚନା ଅନୁସାରେ ବେଲପଡ଼ା ବ୍ଲକ କପାଣୀ ଗାଁର ଖିତିସ ବେହେରା ଲାଠୋରର ଏକ ମାଇକ୍ରୋ ଫାଇନାନ୍ସ କମ୍ପାନୀରେ କାମ କରୁଥିବା ବେଳେ ଗୁରୁବାର ମଧ୍ୟାହ୍ନରେ କପସିପାଲି ଗାଁରୁ ଲାଠୋରକୁ ମୋଟର ସାଇକେଲରେ ଯାଉଥିବା ବେଳେ ପଛରୁ ଏକ କଳା ବୁଲେଟରେ ତିନି ଜଣ ଲୁଟେରା ଖିତିସ୍କୁ ଅଟକାଇ ମାରଣାସ୍ତ୍ର ଦେଖାଇ ଲୁଟ କରିଥିବା ଅଭିଯୋଗ ହୋଇଛି । ପାଖରେ କୌଣସି ଟଙ୍କା ନଥିବାରୁ ମୋବାଇଲ, ଟାବଲେଟ ଓ କାଗଜ ପତ୍ର ନେଇ ଲୁଟେରା ମାନେ ପଛରୁ ଆସୁଥିବା ଲୋକଙ୍କୁ ଦେଖି ଚାଲି ଯାଇଥିଲେ । ଏନେଇ ଲୁଟର ଶିକାର ଯୁବକ ଖପ୍ରାଖୋଲ ପୋଲିସକୁ ଜଣାଇଲା ପରେ ପୋଲିସ ଲୁଟେରାଙ୍କୁ ଧରିବାକୁ ତନାଘନା ଜାରି ରଖିଥିବା ଜଣାଯାଇଛି । ଦିନ ଦ୍ୱିପହରରେ ଖପ୍ରାଖୋଲଠାରୁ ଦୁଇ କିମି ମଧ୍ୟରେ ଲୁଟକୁ ନେଇ ସ୍ଥାନୀୟ ଅଂଚଳରେ ଚର୍ଚ୍ଚା ଜୋର ଧରିଛି । ଉକ୍ତ ଘଟଣାର ତଦନ୍ତ ଚାଲିଥିବା ଥାନା ଅଧିକାରୀ ରମାକାନ୍ତ ସାହୁ ପ୍ରକାଶ କରିଛନ୍ତି ।
