ବୌଦ୍ଧ : ବୌଦ୍ଧ ସହର ସ୍ଥିତ ଜ଼ିଲ୍ଲାପାଳଙ୍କ ସମ୍ମିଳନୀ କକ୍ଷରେ କନ୍ଧମାଳ, ବୌଦ୍ଧ, ସୁବର୍ଣ୍ଣପୁର ଜ଼ିଲ୍ଲାର ନମୁନା ପଞ୍ଜିକରଣ ବ୍ୟବସ୍ଥା ପି.ଟି.ଇ. ମଡ୍ୟୁଲ ମୋବାଇଲ ଆପ ଟ୍ରେନିଂ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ବୌଦ୍ଧ ଅତିରିକ୍ତ ଜ଼ିଲ୍ଲାପାଳଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଟ୍ରେନିଂ କାର୍ଯ୍ୟକ୍ରମରେ ଜନଗଣନା ନିର୍ଦ୍ଦେଶାଳୟର ଉପ ନିର୍ଦ୍ଦେର୍ଶକ ଡ଼. ଅଭୟ ନାରାୟଣ ନାୟକ, ସହକାରୀ ଜିଲ୍ଲାପାଳ ସାଧାରଣ ବିବିଧ ବିଭାଗ ଚନ୍ଦ୍ରକାନ୍ତ ବେହେରା, ନୋଡ଼ାଲ ଅଫିସର ମୋହନ ଚନ୍ଦ୍ର ପୁରଧୁଲ, ଜ଼ିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ରିତାକାନ୍ତି ବଳିୟାର ସିଂହ, କନ୍ଧମାଳ, ବୌଦ୍ଧ, ସୁବର୍ଣ୍ଣପୁରର ସାମୂହିକ ଗଣନାକାରୀ (ପି.ଟି.ଇ) ଭାବେ ଶିକ୍ଷକ, ଶିକ୍ଷୟିତ୍ରୀ, ଅଙ୍ଗନବାଡି କର୍ମୀ ମାନେ ଯୋଗ ଦେଇଥିଲେ । ଏଥିରେ ୨୯ଜଣ ପିଟିଇ ଯୋଗ ଦେଇଥିଲେ । ଟ୍ରେନର ରମେଶ ଚନ୍ଦ୍ର ପଲେଇ ଏବଂ ରଞ୍ଜନ କୁମାର ସାହୁ ଯୋଗ ଦେଇ ତାଲିମ ପ୍ରଦାନ କରିଥିଲେ ।
