ଦଶପଲ୍ଲା: ଆଜି ଦଶପଲ୍ଲା ଇଲେଭେନ ଷ୍ଟାର କ୍ଲବ୍ଠାରେ ଦଶପଲ୍ଲା ଆଶାକର୍ମୀ ସଂଘର ବ୍ଲକ୍ ସ୍ତରୀୟ ସମ୍ମିଳନୀ ଅନୁଷ୍ଠିତ ହୋଇଯାଇଛି । ସମ୍ମିଳନୀ ଅବ୍ୟବହିତ ପୂର୍ବରୁ ସଂଗଠନର ସଭାନେତ୍ରୀ ଶ୍ରୀମତୀ ସଂଯୁକ୍ତା ପଣ୍ଡା ପତାକା ଉତ୍ତୋଳନ କରିଥିଲେ । ଏହାପରେ ସମସ୍ତେ ସହିଦ୍ ବେଦିରେ ମାଲ୍ୟାର୍ପଣ କଲାପରେ ସମ୍ମିଳନୀକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ ସିଆଇଟିୟୁର ଜିଲ୍ଲା ସମ୍ପାଦକ ତଥା ସମ୍ମିଳନୀର ମୁଖ୍ୟ ଅତିଥି କମ୍ରେଡ୍ ଶରତ ଚନ୍ଦ୍ର ବେହେରା । ଏହାପରେ ସଂଗଠନର ବ୍ଲକ କମିଟିର ସମ୍ପାଦିକା ଶ୍ରୀମତୀ ସସ୍ମିତା ପଟ୍ଟନାୟକ ସଂଗଠନର ରିପୋର୍ଟ ଉପସ୍ଥାପନ କଲେ ଓ ତା’ଉପରେ ସଭ୍ୟାମନେ ଆଲୋଚନା କଲାପରେ ତାହା ସର୍ବସମ୍ମତି କ୍ରମେ ଗ୍ରହଣ କରାଯାଇଥିଲା । ଅନ୍ୟତମ ଅତିଥି ଭାବେ ସଂଗଠନର ଜିଲ୍ଲା ସଭାପତି ସାଥୀ ସୁରେଶ ସ୍ୱାଇଁ ବକ୍ତବ୍ୟ ରଖିଲା ପରେ ଏକ ନୂତନ କମିଟି ଆଗାମୀ ଦିନ ପାଇଁ ଗଠନ କରାଯାଇଥିଲା । ଶେଷରେ ସଭାପତି ମଣ୍ଡଳୀର ସଭ୍ୟ ଚାପ ଧାରି ରାଉତ, ସଂଯୁକ୍ତା ପଣ୍ଡା, କାଞ୍ଚନ ବେହେରା ଓ କୋଷାଧ୍ୟକ୍ଷ ନଳିନୀ ପ୍ରଭା ରଥ ପ୍ରମୁଖ ବକ୍ତବ୍ୟ ରଖି ସଂଗଠନକୁ ସୁଦୃଢ କରି ଗଢିତୋଳିବା ନିମନ୍ତେ ଆହ୍ୱାନ ଦେଇଥିଲେ ।
