ପାରଳାଖେମୁଣ୍ଡି : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଟାଉନ ହଲ ଠାରେ ଭାରତୀୟ କମ୍ୟୁନିଷ୍ଟ ପାର୍ଟି ସିପିଆଇ ୧୦ମ ଜିଲ୍ଲା ସମ୍ମିଳନୀ ଅନୁଷ୍ଠିତ ହୋଇଯାଇଛି । ଗଜପତି ଜିଲ୍ଲା ସିପିଆଇର ସମ୍ପାଦକ ଜେନା ସୁବାଷ ଚନ୍ଦ୍ର ରାଓଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ଏହି ସମ୍ମିଳନୀରେ ସିପିଆଇର ରାଜ୍ୟ ନେତା ପ୍ରଶାନ୍ତ ପାଟ୍ଟଯୋଶୀ,ଗଞ୍ଜାମ ଜିଲ୍ଲା ସମ୍ପାଦକ ପ୍ରକାଶ ଚନ୍ଦ୍ର ପାତ୍ର, ରାଜ୍ୟ ଯୁବ ନେତା ପ୍ରଦୀପ ସେଠୀ, ସିପି ଆଇ ଏମ୍ର ଜିଲ୍ଲା ସମ୍ପାଦକ ଦଣ୍ଡପାଣି ରଇତ ଯୋଗ ଦେଇଥିଲେ । ବୈଠକ ପ୍ରାରମ୍ଭ ହେବା ପୂର୍ବରୁ ଟାଉନ ହଲ ପରିସରରେ ଦଳୀୟ ପତାକା ଉତ୍ତୋଳନ କରାଯାଇ ଥିଲା । ଏହି ସମ୍ମିଳନୀରେ ଜିଲ୍ଲାରେ ଆଗାମୀ ଦିନରେ ସମସ୍ତ ବର୍ଗର ଲୋକଙ୍କୁ ନେଇ କିପରି ସାଙ୍ଘଠନିକ ସୁଦୃଢ କରାଯିବ ସେ ବିଷୟରେ ଆଲୋଚନା କରାଯାଇଥିଲା । ଏହା ପରେ ଜିଲ୍ଲାର ବିଭିନ୍ନ ସମସ୍ୟାକୁ ନେଇ ୧୯ ଦଫା ସମ୍ବଳିତ ସାମୁହିକ ପ୍ରସ୍ତାବ ଅନୁମୋଦିତ କରାଯାଇଥିଲା । ଏହି ସମ୍ମିଳନୀରେ ପାରଳାଖେମୁଣ୍ଡି ପୌର ପାଳିକାର ଏମ୍ ଜଗନ୍ନାଥ ରାଓଙ୍କ ସମେତ ଜିଲ୍ଲାର ବିଭିନ୍ନ ବ୍ଳକର ବହୁ ଦଳୀୟ କର୍ମୀ ଓ ନେତା ଯୋଗ ଦେଇଥିଲେ ।
