ଘୁ ଉଦୟଗିରି: କଳିଙ୍ଗା ଡିଏଭି ନିକଟରେ ଭାରସାମ୍ୟ ହରେଇ କାର ଦୁର୍ଘଟଣା ଗ୍ରସ୍ତ ହୋଇଥିବା ଦେଖିବାକୁ ମିଳିଛି । ବାଲିଗୁଡାଠାରୁ ବ୍ରହ୍ମପୁର ଏକ କାର ଯାଉଥିବା ବେଳେ ହଠାତ୍ ଭାରସାମ୍ୟ ହରାଇ ଓଲଟି ପଡ଼ିଥିଲା । କାର ମଧ୍ୟରେ ଜଣେ ନାବାଳକ ସମେତ ଦୁଇ ମହିଳା ଯାତ୍ରା କରୁଥିବା ସୂଚନା ମିଳିଛି । ସେମାନଙ୍କ ମଧ୍ୟରୁ ସଞ୍ଜିତା ପତି (୪୦), ଆଶାଲତା ପତି (୮୫) ଓ ଜଣେ ୧୩ ବର୍ଷର ବାଳକ ରହିଛନ୍ତି । ଡ୍ରାଇଭର ବିକାଶ ଯାଦବ(୨୨) ସୁଇଫଟ୍ ଡିଯାଇର (ଓଡ଼ି ୦୨ବିପି ୭୦୭୬) ଧଳା ରଙ୍ଗର କାର ଚଳାଉଥିଲେ କିନ୍ତୁ ଗାଡି ପପୁନ ବାଇଥାରୁଙ୍କ ନାମରେ ରହିଥିବା ସୂଚନା ମିଳିଛି ଯାହାକି ବ୍ୟକ୍ତିଗତ ନାମରେ ଗାଡି ରହିଥିବା ବେଳେ ସେ ଭଡ଼ାରେ ଉକ୍ତ ଡ୍ରାଇଭର ଦ୍ୱାରା ବ୍ରହ୍ମପୁର ଯାଉଥିଲେ । ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ଆହତ ମାନଙ୍କୁ ଉଦ୍ଧାର କରି ସମସ୍ତଙ୍କୁ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ୧୦୮ ଆମ୍ବୁଲାନ୍ସ ଦ୍ୱାରା ଅଣାଯାଇଥିଲା । ଆହତଙ୍କ ମଧ୍ୟରୁ ଜଣେ ୮୫ ବର୍ଷର ବୃଦ୍ଧ ମହିଳାଙ୍କ ମୁଣ୍ଡରେ ଆଘାତ ଯୋଗୁଁ ଗରୁତର ଆହତ ହୋଇଥିବା ବେଳେ ତାଙ୍କୁ ଅଧିକ ଚିକିତ୍ସା ପାଇଁ ଫୁଲବାଣୀ ମୁଖ୍ୟ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତରିତ କରିଥିବା ସୂଚନା ରହିଛି । ବାଲିଗୁଡା କୋର୍ଟର ଜଣେ ସରକାରୀ ଓକିଲଙ୍କ ପରିବାର ସଦସ୍ୟ ବୋଲି ଜଣାପଡିଛି ।
