ପୁରୀ : ଆଜାଦୀକା ଅମୃତ ମହୋତ୍ସବ ଅବସରରେ ଭାରତୀୟ ପ୍ରତ୍ନତତ୍ତ୍ୱ ସର୍ବେକ୍ଷଣ ସଂସ୍ଥା ପକ୍ଷରୁ ପୁରୀର ଐତିହ୍ୟ ସମ୍ପନ୍ନ ଅଠରନଳାକୁ ଆଲୋକୀକରଣ କରାଯାଇଛି । ଏହି ଆଲୋକୀକରଣରେ ତ୍ରିରଙ୍ଗା ପତାକା ସ୍ଥାନିତ ହୋଇଛି । ଅତ୍ୟାଧୁନିକ ଲାଇଟିଙ୍ଗ ମାଧ୍ୟମରେ ତ୍ରିରଙ୍ଗାକୁ ସ୍ଥାନ ଦିଆଯାଇଛି । ଏହାସହ ଅଠରନଳାରେ ଲାଇଟ ଜରିଆରେ ଆଜାଦୀକା ଅମୃତ ମହୋତ୍ସବ ଲେଖା ଚାଲୁଥିବାର ଦୃଶ୍ୟ ସମସ୍ତ ଦର୍ଶକଙ୍କୁ ବିମୋହିତ କରୁଛି । ଏଏସଆଇର ସ୍ଥାନୀୟ ଅଧିକାରୀମାନେ ଏହି କାର୍ଯ୍ୟକ୍ରମକୁ ସଞ୍ଚାଳନା ଓ ପରିଚାଳନା କରୁଛନ୍ତି ।
