ଘୁ ଉଦୟଗିରି: ଲଗାଣ ବର୍ଷା ସାରା କନ୍ଧମାଳ ବାସୀଙ୍କୁ ଅସ୍ତବ୍ୟସ୍ତ କରିପକାଇଛି ।ବର୍ଷା ଯୋଗୁଁ ଚାଷୀ କ୍ଷତିଗ୍ରସ୍ତ ହେବା ସହ ଜମି ଗୁଡିକ ପାଣିରେ ବୁଡି ଫସଲ କ୍ଷତି ହୋଇଥିବା ଦୃଶ୍ୟ ଦେଖିବାକୁ ମିଳିଛି । ବହୁ ସ୍ଥାନରେ ରାସ୍ତା ଉପରେ ବର୍ଷା ପାଣି ଚଳୁଥିବା ଦୃଶ୍ୟ ବି ଦେଖିବାକୁ ମିଳିଛି । ଗତକାଲି ରାତିରେ ଲଗାଣ ବର୍ଷା ଯୋଗୁଁ କ.ନୂଆଗାଁ ବ୍ଲକ ଅନ୍ତର୍ଗତ ସାରଙ୍ଗଡ଼ ନିକଟ ଚଞ୍ଚଳା ସାହି ଛକ ମୁଖ୍ୟ ସଡକରେ ବର୍ଷା ପାଣି ପ୍ରବାହିତ ହେବା ସହ ଆଖପାଖ ଚାଷ ଜମି ସବୁ ଜଳମଗ୍ନ ହୋଇଯାଇଛି । ରାସ୍ତା କଡେ ନୂତନ ଭାବେ ଖୋଳା ଯାଇଥିବା ଏକ ପୋଖରୀର ହୁଡ଼ା ଭାଙ୍ଗି ସାରା ଅଞ୍ଚଳ ପୋଖରୀ ଜଳ ମାଡିଯିବା ସହ ବର୍ଷା ଜଳ ସମସ୍ୟାକୁ ଦ୍ୱିଗୁଣିତ କରିଦେଇଛି । ଫଳରେ ସାରଙ୍ଗଡ଼ ଘୁ.ଉଦୟଗିରି ମୁଖ୍ୟ ସଡ଼କରେ ଯାତାୟତ ଠପ ହୋଇଯାଇଛି ।
