ଗଞ୍ଜାମ,୨୧/୮: ଦିବ୍ୟ ଜୀବନ ସଂଘ ମହିଳା ଶାଖା ଆଶ୍ରମ ପରିସରରେ ଗୀତାଚାର୍ଯ୍ୟ ପରମପୁରୁଷ ରାଧା ପ୍ରାଣଧନ ଯଶୋଦା ନନ୍ଦନଙ୍କର ପବିତ୍ର ଜନ୍ମୋତ୍ସବ ଶ୍ରୀକୃଷ୍ଣ ଜନ୍ମାଷ୍ଟମୀ ଓ ନନ୍ଦୋତ୍ସବ ମହାଆଡମ୍ବରରେ ପାଳିତ ହୋଇଯାଇଛି । ବରିଷ୍ଠ ପୁରୋହିତ ଶିପୁ ଭାଇ ଓ ଅରୁଣ କୁମାର ଦାଶଙ୍କ ପୌରହିତ୍ୟରେ ବାଙ୍କବିହାରୀ ଲାଲ୍ଙ୍କ ଅର୍ଚ୍ଚନା ଆରତୀ ଆଦି ଯଥାରୀତି ବିଧିପାଳନ ଓ ଭାଗବତ ପାଠ ସଂମ୍ପର୍ଣ୍ଣ କରାଯାଇଥିଲା । ପରମ ଗୁରୁଦେବ ସ୍ୱାମୀ ଶିବାନନ୍ଦ ଓ ସ୍ୱାମୀ ଚିଦାନନ୍ଦଙ୍କ ମହତବାଣୀ ‘ଭଲ ହୁଅ -ଭଲ କର’ “ମାନବ ସେବା ହିଁ ମାଧବ ସେବା’ ଆଦିକୁ ଆଧାରକରି ଦକ୍ଷିଣାଞ୍ଚଳ ଦିବ୍ୟଜୀବନ ସଂଘ ସମନ୍ୱୟ ସମିତିର କୋଷାଧ୍ୟକ୍ଷ ଶାନ୍ତିଭୂଷଣ ପଣ୍ଡାଙ୍କ ତତ୍ତ୍ୱାବଧାନରେ ଦୃଷ୍ଟିହୀନ ବିଦ୍ୟାଳୟ ଓ ଗାନ୍ଧୀନଗର ସ୍ଥିତ ଅନାଥାଶ୍ରମର ସମସ୍ତ ଅନ୍ତେବାସୀଙ୍କୁ ସ୍ୱାଦିଷ୍ଟ ଭୋଜନ ସହିତ ମିଷ୍ଟାନ୍ନ ବଣ୍ଟନ କରା ଯାଇଥିଲା । ଏହି ଅବସରରେ ଆଶ୍ରମ ପରିସରରେ ହନୁମାନ ଚାଳିଶା, ସୁନ୍ଦରାକାଣ୍ଡ, ନାରାୟଣ ସେବା ଅନୁଷ୍ଠିତ ହୋଇଥିଲା ।ଏହି କାର୍ଯ୍ୟକ୍ରମକୁ ସଂଘର ସଭାପତି ଜ୍ୟୋତ୍ସ୍ନାରାଣୀ ଦାଶ, ମମତା ମହାପାତ୍ର,ଇନ୍ଦ୍ରମଣୀ ସ୍ୱାଇଁ, ସୀମାଞ୍ଚଳ ବେହେରା, ଅଲେଖ ବେହେରା, ଶକୁନ୍ତଳା, ସୁରେଶ ବରାଡ, ସରସ୍ୱତୀ ପାଣିଗ୍ରାହୀ, ପ୍ରମିଳା ମହାରଣାଙ୍କ ସମେତ ଅଞ୍ଚଳର ପ୍ରାୟ ଶତାଧିକ ଭକ୍ତ ଉପସ୍ଥିତ ରହି ସହଯୋଗ କରିଥିଲେ ।
