ଗଞ୍ଜାମ : ଗଂଜାମ ଜୋନ ଯୁବ ବିଜେଡ଼ି ସଭାପତି ଭାବ ପୁନର୍ବାର ନଚିକେତ ସ୍ୱାଇଁଙ୍କୁ ଦାୟିତ୍ୱ ମିଳିଥିବାରୁ ଆସିକା ବିଜୁ ଜନତା ଦଳ ଓ ଯୁବ ଜନତା ଦଳ ପକ୍ଷରୁ ତାଙ୍କୁ ଭବ୍ୟ ସମ୍ବର୍ଦ୍ଧନା କରାଯଇଛି । ଆସିକା ନିର୍ବାଚନ ମଣ୍ଡଳୀର ପଥରାଠାରୁ ବିଶାଳ ବାଇକ ରାଲିରେ ବାହାରି ଆସିକା ବିଜୁ ପଟ୍ଟନାୟକ ଛକଠାରେ ଥିବା ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରି ଦଳୀୟ କର୍ମୀ ମାନେ ସ୍ୱାଗତ ସମ୍ବର୍ଦ୍ଧନା ଦେଇ ସହର ପରିକ୍ରମା କରାଯାଇ ଦଳୀୟ କାର୍ଯ୍ୟାଳୟଠାରେ ପହଞ୍ଚି ସଭାପତିଙ୍କୁ ସମ୍ବର୍ଦ୍ଧନା କରାଯାଇଥିଲା । ନଚିକେତା ସ୍ୱାଇଁଙ୍କ କାର୍ଯ୍ୟଦକ୍ଷତାକୁ ପରଖି ପୁନର୍ବାର ଜୋନ ଯୁବ ବିଜେଡି ସଭାପତି ଭାବେ ନିଯୁକ୍ତି ଦେଇଥିବାରୁ ଦଳୀୟ ସୁପ୍ରିମ ନବୀନ ପଟ୍ଟନାୟକ, ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାଶ ଓ ଆସିକା ବିଧାୟିକା ମଞ୍ଜୁଳା ସ୍ୱାଇଁକୁ ଅଞ୍ଚଳବାସୀ କୃତଜ୍ଞତା ଜଣାଇଥିଲେ । ଅପରପକ୍ଷେ ମିଳିଥିବା ଏହି ଗୁରୁଦାୟିତ୍ୱ ନିଷ୍ଠାର ସହ ପାଳନ କରି ଦଳକୁ ମଜବୁତ କରିବାରେ ସର୍ବଦା ପ୍ରାଣ ପ୍ରଣେ ଚେଷ୍ଟା କରିବେ ବୋଲି ମତ ପ୍ରକାଶ କରିଥିଲେ ନଚିକେତା ସ୍ୱାଇଁ । ଏହ ଅବସରରେ ଦଳର ଛାମୁଆ ନେତା ସତ୍ୟ ନାରାୟଣ ସ୍ୱାଇଁ, ଅଭିମନ୍ୟୁ ନାହାକ, ଶିବ ନାହାକ, ଭଗବାନ ସାହୁ, ରାଜେଶ୍ୱ ପଟ୍ଟନାୟକ, ବିଭିନ୍ନ ପଞ୍ଚାୟତର ସରପଞ୍ଚ ଓ ସମିତିସଭ୍ୟଙ୍କ ସମେତ ଆସିକା ବୁଜୁ ଜନତା ଦଳର ଯୁବ, ଛାତ୍ର ନେତା ଓ କର୍ମୀ ମାନେ ଉପସ୍ଥିତ ଥିଲେ ।
