ଘୁ. ଉଦୟଗିରି : ଆଜି ଟିକାବାଲି ବ୍ଲକ ଗଦଗୁଡା ଗ୍ରାମପଞ୍ଚାୟତ ଅନ୍ତର୍ଗତ ରୁଦାଙ୍ଗିଆ ବାନ୍ଦାଗୁଡ଼ା ଗ୍ରାମର ରଶ୍ମି ରଞ୍ଜନ ନାୟକ(ଚୁନୁ)ଙ୍କ ସୂଚନା ଅନୁସାରେ ତାଙ୍କ ସ୍ତ୍ରୀ ସୂଦୀପ୍ତା ନାୟକ (୩୫) ଗାଧୋଇବା ସମୟରେ ନିଜର ଅସାବଧାନତା ଯୋଗୁଁ କୂଅରେ ପଡିଯାଇଥିଲେ । ସେ ଏକାକୀ ଗାଧୋଉଥିବା ବେଳେ ସେ କେତେବେଳେ ପଡିଗଲେ ତାହା ଜଣା ପଡିନଥିଲା ।ପରିବାର ଲୋକ ବିଳମ୍ବରେ ଜାଣିପାରି କୂଅରୁ ତାଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଦ୍ୱାରା ଘୁ ଉଦୟଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଆଣିଥିଲେ ।ସେଠାରେ ଡାକ୍ତର ପ୍ରିୟବ୍ରତ ପାଣିଗ୍ରାହୀ ତାଙ୍କୁ ମୃତ ଘୋଷଣା କରିଥିଲେ । ସ୍ଥାନୀୟ ପୋଲିସ ବିଭାଗର ତଦନ୍ତ ଅଧିକାରୀ ଏଲଡି ନାୟକ କେସ ନମ୍ବର ୟୁଡି ୦୬/୨୨ ଅନୁଯାୟୀ ମୃତ ମହିଳାଙ୍କ ଶବ ଜବତ କରି ବ୍ୟବଚ୍ଛେଦ କରିବା ପରେ ପରିବାରକୁ ମହିଳାଙ୍କ ମୃତ ଶରୀର ହସ୍ତାନ୍ତର କରିଥିଲେ ।
