ଦଶପଲ୍ଲା,୨୪/୮: – ଲଗାଣ ବର୍ଷା ଫଳରେ ଦଶପଲ୍ଲାର କେତେକ ସ୍ଥାନରେ କଚ୍ଚା ଘର ଗୁଡ଼ିକ ଭାଙ୍ଗି ପଡିଥିବା ଦେଖିବାକୁ ମିଳିଛି । ବିଶେଷ ଭାବେ ଦଶପଲ୍ଲା ବ୍ଲକ ଅନ୍ତର୍ଗତ ଟାକରା, ତୁମାଣ୍ଡି, କୁଲୁରୁକୁମ୍ପା, ବାଣୀଗୋଛା , ଗ୍ରାମପଞ୍ଚାୟତର ବିଭିନ୍ନ ଆଦିବାସୀ ଅଧ୍ୟୁଷିତ ଗ୍ରାମାଞ୍ଚଳରେ ଲଗାଣ ବର୍ଷାରେ କଚ୍ଚାଘର ଗୁଡ଼ିକ ଭାଙ୍ଗିଯିବା ଯୋଗୁଁ, ଦେଖିବାକୁ ମିଳିଛି ଦୟନୀୟ ଅବସ୍ଥା । କେତେକ ଘରର ଚାଳ ଛପର ଉଡିଯାଇଛି , ଫଳରେ ଘର ଭିତରେ ବର୍ଷାଜଳ ଲହଡ଼ି ଭାଙ୍ଗୁଥିବାବେଳେ ଲୋକମାନେ, ଭୋକ ଉପାସରେ ଦିନ କାଟୁଛନ୍ତି । ବିଶେଷ ଭାବେ ଘର ଭାଙ୍ଗିଯାଇଥିବା ପରିବାର ସଦସ୍ୟଙ୍କ ମୁଣ୍ଡ ଗୁଞ୍ଜିବା ପାଇଁ ଅଦ୍ୟାବଧି ପ୍ରଶାସନ ତରଫରୁ ପଲିଥିନ ଖଣ୍ଡିଏ ମଧ୍ୟ ମିଳିନଥିବା ଅଭିଯୋଗ କରିଛନ୍ତି ଶରତ ଚନ୍ଦ୍ର ନାୟକ, ଲବଚନ୍ଦ୍ର ଜାନୀଙ୍କ ଭଳି ବହୁ ଗ୍ରାମବାସୀ ଦାବି କରିଛନ୍ତି । ଆଗକୁ ଆହୁରି ବର୍ଷା ହେବାର ସମ୍ଭାବନା ଥିବାବେଳେ ଘର ଭାଙ୍ଗି ଯାଇଥିବା ଲୋକଙ୍କୁ ତୁରନ୍ତ ପଲିଥିନ ଓ ଘରଭଙ୍ଗା ସହାୟତା ଯୋଗାଇ ଦେବା ପାଇଁ ଦାବି ହେଉଛି ।
