ପୁରୀ: ପୁରୀ ବଳିଆପଣ୍ଡା ସ୍ଥିତ ହୋଟେଲ କ୍ରିଷ୍ଣା ସି ସାଇଟରେ ଅଘଟଣ । ହୋଟେଲର ୬ ମହଲା କୋଠା ଉପରୁ ତଳକୁ ଖସି ପଡି ଜଣେ ପର୍ଯ୍ୟଟକଙ୍କ ମୃତ୍ୟୁ । ମୃତ ପର୍ଯ୍ୟଟକ ହେଉଛନ୍ତି ଅସ୍ତରଙ୍ଗ ଥାନା ଅଧିନ ଉଦୟପୁର ଅଞ୍ଚଳର ଲିଙ୍ଗରାଜ ସାହୁ ।ଖବର ପାଇ ଘଟଣାସ୍ଥଳରେ ବଳିଆ ପଣ୍ଡା ଥାନା ପୋଲିସ ସହିତ ଏସପି କନୱର ବିଶାଳ ସିଂ ପହଞ୍ଚି ଆରମ୍ଭ କରିଛନ୍ତି ତଦନ୍ତ । ଛାତରୁ ପଡି ପର୍ଯ୍ୟଟକଙ୍କ ମୃତ୍ୟୁ ହୋଇଛି କି ତାଙ୍କୁ ସାଙ୍ଗମାନେ ଛାତରୁ ଠେଲି ହତ୍ୟା କରିଛନ୍ତି ତାହା ତଦନ୍ତ ପରେ ସ୍ପଷ୍ଟ ହେବ ବୋଲି ପୋଲିସ ପକ୍ଷରୁ କୁହାଯାଇଛି । ସେପଟେ ତାଂକ ରୁମ୍ ରହୁଥିବା ତାଂକ ସହକର୍ମୀ କହିଚନ୍ତି ସେମାନେ ଦୁଇ ଜଣ ରାତିରେ ଶୋଇ ଥିଲେ । ସକାଳେ ଏଭଳି ଅଘଟଣ ହୋଇଥିବା ସେ ଖବର ପାଇଲେ । ଏହି ଅଘଟଣ ନେଇ ସେ କିଛି ବି କହିପାରିବିନି ବୋଲି ମୃତ ଲିଙ୍ଗରାଜଙ୍କ କମ୍ପାନୀ ସହକର୍ମୀ କହିଛନ୍ତି । ମୃତ ଲିଙ୍ଗରାଜ ନିଜ କମ୍ପାନୀର ଏକ ବୈଠକରେ ଯୋଗ ଦେବାକୁ ପୁରୀ ଆସିଥିବା ଜଣାପଡ଼ିଛି ।
