ଦଶପଲ୍ଲା : ଦଶପଲ୍ଲା ନିର୍ବାଚନ ମଣ୍ଡଳୀର ସାମଗ୍ରୀକ ବିକାଶ ପାଇଁ ସଦାଚେଷ୍ଟିତ ସମାଜସେବୀ ଶ୍ରୀହରି ନାୟକ ପବିତ୍ର ଗଣେଶ ପୂଜା ଓ ନୂଆଖାଇ ଅବସରରେ ଦଶପଲ୍ଲା ନିର୍ବାଚନ ମଣ୍ଡଳୀର ଗଣିଆ, ନୂଆଗାଁ, ଦଶପଲ୍ଲା ବ୍ଲକ୍ର ସମସ୍ତ ଗ୍ରାମପଂଚାୟତର ଶତାଧିକ ଗ୍ରାମକୁ ଗସ୍ତକରି ପାର୍ବଣ ମହୋତ୍ସବରେ ଗ୍ରାମବାସୀ ଓ ଯୁବଗୋଷ୍ଠୀଙ୍କ ସହିତ ସାମିଲ ହୋଇଛନ୍ତି । ଗ୍ରାମମାନଙ୍କରେ ଆୟୋଜିତ ହୋଇଥିବା ଅଗ୍ରପୂଜ୍ୟ ବିଘ୍ନବିନାଶକ ପ୍ରଭୂ ଗଜାନନଙ୍କ ଦର୍ଶନ କରିବା ସହିତ ଗ୍ରାମବାସୀଙ୍କ ସୁବିଧା ଅସୁବିଧା ବୁଝିଥିଲେ । ନିଜନିଜ ଗ୍ରାମର ବିକାଶ ପାଇଁ ଗ୍ରାମବାସୀଙ୍କର ସହଯୋଗରେ ଆଦର୍ଶ ଗ୍ରାମ ଗଠନ ହୋଇପାରିବ ବୋଲି ଶ୍ରୀ ନାୟକ ମତବ୍ୟକ୍ତ କହିଥିଲେ ।
ଶ୍ରୀ ନାୟକଙ୍କ ସହିତ ଦଶପଲ୍ଲା ସ୍ୱାଭିମାନ ପରିବାରର ଆଗଧାଡିର କର୍ମକର୍ତ୍ତା ପ୍ରଦୋଶ୍ କୁମାର ଯେନା, ସନ୍ତୋଷ କୁମାର ପ୍ରଧାନ, ଦଶପଲ୍ଲା ଏନ୍ଏସି ଅଧ୍ୟକ୍ଷା ପୁନମ୍ ପ୍ରୀୟଦର୍ଶିନୀ, ଶିମିଳିସାହି ସରପଞ୍ଚ ସଂଜୟ କୁମାର ପଟ୍ଟନାୟକ, ଯୁବଛାତ୍ର ସଂଗଠନର ସଭାପତି ଚିତ୍ତରଂଜନ ପ୍ରଧାନ, ଦଶପଲ୍ଲାର ବିଶିଷ୍ଠ ସମାଜସେବୀ କାଳିଆ ସାହୁ, ବରିଷ୍ଠ ନାଗରିକ ମଂଚ ସଭାପତି ପାଣୁଚରଣ ବେହେରା, ସମିତି ସଭ୍ୟ ବାପୁଜି ସାହୁ, ଦଶପଲ୍ଲା ଏନ୍ ଏ ସିର ବହୁ ସ୍ୱାଧିନ କାଉନସିଲର ଓ ନୂଆଗାଁ ବ୍ଲକର ଅଗ୍ରଣୀ ଯୁବନେତା ଟୁଟୁ ନନ୍ଦଙ୍କ ସମେତ ପ୍ରତ୍ୟେକ ଗ୍ରାମର ଅଗ୍ରଗାମୀ ଯୁବକମାନେ ସ୍ୱତପୁତ୍ତ ଭାବରେ ଯୋଗଦେଇଥିଲେ । ପ୍ରକାଶ ଥାଉକି ସମାଜସେବୀ ଶ୍ରୀହରି ନାୟକ ବହୁବର୍ଷଧରି ନିଶ୍ୱାର୍ଥପର ଭାବରେ ଦଶପଲ୍ଲା ନିର୍ବାଚନ ମଣ୍ଡଳୀ ସମେତ ପାର୍ଶ୍ୱବର୍ତ୍ତୀ ବୌଦ୍ଧ ଓ କନ୍ଧମାଳ ଜିଲ୍ଲାରେ ଅନେକ ମଠ ମନ୍ଦିର ସମେତ ଅନେକ ଜନ ହିତକର କାର୍ଯ୍ୟ କରି ଜନସାଧାରଣଙ୍କ ଦୃଦୟରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରିଛନ୍ତି ।
