ନବରଙ୍ଗପୁର: ସହର ମଧ୍ୟସ୍ଥ ଦାରୁବନ୍ଧସାହିଠାରେ ଥିବା ସରସ୍ୱତୀ ଶିଶୁ ମନ୍ଦିରରେ ପବିତ୍ର ଗୁରୁ ଦିବସ ପାଳିତ ହୋଇଯାଇଛି । ସୁଶ୍ରୀ ରେଣୁକା ଆଚାର୍ଯ୍ୟଙ୍କ ଦ୍ୱାରା ଅତିଥି ପରିଚୟ ପ୍ରଦାନ କରାଯାଇଥିଲା । ଏହି ଉତ୍ସବରେ ରାଜା ଚୈତନ୍ୟ ଦେବ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷୟିତ୍ରୀ ତଥା ଗୋଷ୍ଠୀ ଶିକ୍ଷା ଅଧିକାରୀ ନବରଙ୍ଗପୁର, ସୁପ୍ରିୟା ନାୟକଙ୍କ କରକମଳରେ ଡ଼ଃ ସର୍ବପଲ୍ଲୀ ରାଧାକୃଷ୍ଣନଙ୍କ ଫଟୋରେ ପୁଷ୍ପମାଲ୍ୟ ଅର୍ପଣ କରାଯାଇ କାର୍ଯ୍ୟକ୍ରମଟିର ଶୁଭାରମ୍ଭ କରାଯାଇଥିଲା । ବିଦ୍ୟାଳୟର ସଭାପତି ଚନ୍ଦ୍ର କୁମାର ଆଚାର୍ଯ୍ୟଙ୍କ ଦ୍ୱାରା ଉପଢୌକନ, ଯୁଗ୍ମ ସମ୍ପାଦକ ଅଶୋକ କୁମାର ତ୍ରିପାଠୀଙ୍କ ଦ୍ୱାରା ମାନପତ୍ର, କୋଷାଧ୍ୟକ୍ଷଙ୍କ ଦ୍ୱାରା ସ୍ମୃତିଚିହ୍ନ ଓ ପର୍ଯ୍ୟାୟ ପ୍ରମୁଖ ପ୍ରଦାନ କରାଯାଇଥିଲା । ଏହାପରେ ଶିଶୁମାନଙ୍କଦ୍ୱାରା ପବିତ୍ର ଗୁରୁପୂଜନ କରାଯାଇ ମୁଖ୍ୟ ଅତିଥିଙ୍କୁ ସମ୍ମାନିତ କରାଯାଇଥିଲା । ସ୍ଥାନୀୟ ପରିଚାଳନା ସମିତି, ପୂର୍ବଛାତ୍ର ଓ ଶିଶୁ ଭାଇଭଉଣୀମାନଙ୍କ ଦ୍ୱାରା ସମସ୍ତ ଗୁରୁଜୀଗୁରୁମାଙ୍କୁ ପୂଜା କରାଯାଇଥିଲା । ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଦେବେନ୍ଦ୍ର ଧାକଡଙ୍କ ତତ୍ତ୍ୱାବଧାନରେ ସମସ୍ତ କାର୍ଯ୍ୟକ୍ରମ ସୁରୁଖୁରୁରେ ସମ୍ପାଦିତ ହୋଇଥିଲା । ଶେଷରେ ବିଷ୍ଣୁପ୍ରିୟା ମହାପାତ୍ରଙ୍କ ଦ୍ୱାରା ଧନ୍ୟବାଦ ଅର୍ପଣ କରାଯାଇଥିଲା ।
