ପୁରୀ : ପୁରୀ ଚନ୍ଦନପୁର ଥାନା ବିରଗୋବିନ୍ଦପୁର ନିକଟ ପେଟ୍ରୋଲ ପମ୍ପ ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଯାଇଛି । ରାସ୍ତା କଡରେ ଠିଆ ହୋଇଥିବା ଏକ ଟ୍ରକ୍କୁ ଏକ ବାଇକ୍ ଧକ୍କା ଦେବାରୁ ଘଟଣସ୍ଥଳରେ ୨ଜଣ ମୃତ ହୋଇଥିବା ବେଳେ ଜଣେ ଆହତ ହୋଇଥିବା ଜଣାପଡିଛି । ମୃତକ ମଧ୍ୟରେ ଜଣେ ମହିଳା ଓ ଜଣେ ପୁରୁଷ ଅଛନ୍ତି । ମୃତ୍ ମହିଳା ହେଉଛନ୍ତି ସୁଷମା ମିଶ୍ର ଓ ସେ କୋଣାର୍କ କୋର୍ଟ ରେ ଜଣେ କନେଷ୍ଟବଳ । ମୃତ ପୁରୁଷ ହେଉଛନ୍ତି ସୁର୍ଯ୍ୟକାନ୍ତ ସାହୁ । ଆହତ ଜଣକ ହେଉଛନ୍ତି ମୃତ ସୁଷମାଙ୍କ ପୁଅ ଚିନ୍ମୟ । ତେବେ ସୂଚନା ଅନୁଯାୟୀ ସ୍ୱର୍ଗଦ୍ୱାରରେ ତାଙ୍କର ଜଣେ ସମ୍ପର୍କୀୟଙ୍କ ଶବଦାହ କରି ପୁରୀରୁ ଫେରୁଥିବା ବେଳେ ଏହି ଦୁଃଖଦ ଘଟଣା ଘଟିଛି ।
