ବାଲିଗୁଡ଼ା: କନ୍ଧମାଳ ଜିଲ୍ଲା ବାଲିଗୁଡ଼ା ବ୍ଲକ୍ କଲୋନୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଆଜି ବ୍ଲକ୍ ସ୍ତରୀୟ ମେଧାବୃତ୍ତି ପରୀକ୍ଷା ଅନୁଷ୍ଠିତ ହୋଇଯାଇଛି । ବାଲିଗୁଡ଼ା ବ୍ଲକର ୪୪ଟି ବିଦ୍ୟାଳୟରୁ ତୃତୀୟ ଶ୍ରେଣୀର ୧୦୩ ଛାତ୍ରଛାତ୍ରୀ ଓ ପଞ୍ଚମ ଶ୍ରେଣୀର ୯୯ ଛାତ୍ରଛାତ୍ରୀ ସମୁଦାୟ ୨୦୨ ଛାତ୍ରଛାତ୍ରୀ ମେଧାବୃତ୍ତି ପରୀକ୍ଷା ଦେବାପାଇଁ ମନୋନୀତ ହୋଇଥିବା ବେଳେ ତୃତୀୟ ଶ୍ରେଣୀର ୮୫ ଜଣ ଏବଂ ପଞ୍ଚମ ଶ୍ରେଣୀର ୮୭ ଜଣ ଛାତ୍ରଛାତ୍ରୀ ମେଧାବୃତ୍ତି ପରୀକ୍ଷା ଦେଇଥିବା ଜଣାପଡ଼ିଛି । ବାଲିଗୁଡ଼ା ସହକାରୀ ଗୋଷ୍ଠୀ ଶିକ୍ଷାଧିକାରୀ ବଳରାମ ବେହେରାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି ପରୀକ୍ଷା ଅନୁଷ୍ଠିତ ହୋଇଥିବାବେଳେ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ ଶିଶିରକାନ୍ତ ଦାସ ପରୀକ୍ଷା ପରିଚାଳନା କରିଥିଲେ । ଗୋଷ୍ଠୀ ଶିକ୍ଷାଧିକାରୀ ମହେଶ୍ୱର ମାଝୀ, ସହକାରୀ ଗୋଷ୍ଠୀ ଶିକ୍ଷାଧିକାରୀ ବୈକୁଣ୍ଠ ସେନାପତି ପରୀକ୍ଷା କିଭଳି ଶୃଙ୍ଖଳିତ ଭାବେ ସମାପନ ହେବ ସେନେଇ ବିଦ୍ୟାଳୟରେ ଉପସ୍ଥିତ ରହି ସମସ୍ତ ସ୍ଥିତି ଅନୁଧ୍ୟାନ କରିଥିଲେ । ଏଥିସହିତ ବ୍ଲକର ସମସ୍ତ ସିଆରସିସି ପରୀକ୍ଷ ପରିଚାଳନାରେ ପୂର୍ଣ୍ଣ ଦାୟିତ୍ୱ ନିର୍ବାହ କରିଥିଲେ । ପରୀକ୍ଷାରେ ନିୟୋଜିତ ସମସ୍ତ ଶିକ୍ଷକ ଶୃଙ୍ଖଳାର ସହ ପରୀକ୍ଷା ସମାପନ କରିଥିଲେ ।
