ନୂଆଦିଲ୍ଲୀ : ଆଇସିସି ଟି -୨୦ ବିଶ୍ୱକପ୍ର ୱାର୍ମ ଅପ୍ ମ୍ୟାଚ୍ ପାଇଁ କାର୍ଯ୍ୟସୂଚୀ ପ୍ରକାଶ ପାଇଛି । ଅକ୍ଟୋବର ୧୦ ରୁ ୧୯ ପର୍ଯ୍ୟନ୍ତ ମୋଟ ୧୫ ଟି ୱାର୍ମ ଅପ୍ ମ୍ୟାଚ୍ ଖେଳାଯିବ । ଏହି ସମୟ ମଧ୍ୟରେ ଭାରତକୁ ଅଷ୍ଟ୍ରେଲିଆ ଏବଂ ନ୍ୟୁଜିଲ୍ୟାଣ୍ଡକୁ ସାମ୍ନା କରିବାକୁ ପଡିବ । ଭାରତର ପ୍ରଥମ ୱାର୍ମ ଅପ୍ ମ୍ୟାଚ୍ ୧୭ ଅକ୍ଟୋବରରେ ଅଷ୍ଟ୍ରେଲିଆ ଏବଂ ପରେ ୧୯ ଅକ୍ଟୋବରରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଖେଳିବ । ସିଧାସଳଖ ସୁପର ୧୨ ରାଉଣ୍ଡରେ ପହଞ୍ଚୁଥିବା ଦଳଗୁଡିକ ଅକ୍ଟୋବର ୧୭ ରୁ ୧୯ ପର୍ଯ୍ୟନ୍ତ ସେମାନଙ୍କର ୱାର୍ମ ଅପ୍ ମ୍ୟାଚ୍ ଖେଳିବାକୁ ଥିବାବେଳେ ପ୍ରଥମ ରାଉଣ୍ଡରେ ଭାଗ ନେଇଥିବା ଦଳଗୁଡିକ ପାଇଁ ୱାର୍ମ ଅପ୍ ମ୍ୟାଚ୍ ଅକ୍ଟୋବର ୧୦ ରୁ ୧୩ ପର୍ଯ୍ୟନ୍ତ ଖେଳାଯିବ ।
ୱେଷ୍ଟଇଣ୍ଡିଜ୍, ୟୁଏଇ, ସ୍କଟଲ୍ୟାଣ୍ଡ, ନେଦରଲ୍ୟାଣ୍ଡ, ଶ୍ରୀଲଙ୍କା, ଜିମ୍ବାୱେ, ନାମିବିଆ, ଆୟର୍ଲାଣ୍ଡ ଦଳ ପ୍ରଥମ ରାଉଣ୍ଡରେ ଖେଳିବେ । ସିଧାସଳଖ ସୁପର -୧୨ ରେ ଅଷ୍ଟ୍ରେଲିଆ, ଭାରତ, ନ୍ୟୁଜିଲ୍ୟାଣ୍ଡ, ଦକ୍ଷିଣ ଆଫ୍ରିକା, ଇଂଲଣ୍ଡ, ପାକିସ୍ଥାନ, ଆଫଗାନିସ୍ତାନ, ବାଂଲାଦେଶ ଖେଳିବେ ।
ଭାରତକୁ ଉଭୟ ୱାର୍ମ ଅପ୍ ମ୍ୟାଚ୍ ଗାବାରେ ଖେଳିବାକୁ ପଡିବ, ପ୍ରଥମଟି ୧୭ ଅକ୍ଟୋବରରେ ଅଷ୍ଟ୍ରେଲିଆ ଏବଂ ଦ୍ୱିତୀୟଟି ନ୍ୟୁଜିଲ୍ୟାଣ୍ଡ ବିପକ୍ଷରେ ୧୯ ଅକ୍ଟୋବରରେ । ଅକ୍ଟୋବର ୧୭ ଏବଂ ୧୯ ରେ ପାକିସ୍ତାନକୁ ଇଂଲଣ୍ଡ ଏବଂ ଆଫଗାନିସ୍ତାନ ବିପକ୍ଷରେ ଅଭ୍ୟାସ ମ୍ୟାଚ୍ ଖେଳିବାକୁ ପଡିବ ।
