ଖପ୍ରାଖୋଲ : ଖପ୍ରାଖୋଲ ବ୍ଳକ ହରିଶଙ୍କର ବନବିଭାଗ ବାନାଞ୍ଚଳ ଧଣ୍ଡାମୁଣ୍ଡା ସେକ୍ସନ ବଡ଼ଉଡେନ-ଦାମେଇପାଳି ରାସ୍ତା ବଡ଼ଉଡେନ ଗାଁ ନିକଟରେ ବନବିଭାଗ ଚଢାଉ କରି ଗୁରୁବାର ବିଲମ୍ବିତ ରାତିରେ ଖଇର କାଠ ବୋଝେଇ ଏକ ମିନିଟ୍ରକ ଜବତ କରିଥିବା ଜଣାଯାଇଛି । ସୂଚନା ଅନୁସାରେ ହରିଶଙ୍କର ବନବିଭାଗ ଏବଂ ପାଟଣାଗଡ ବନବିଭାଗ ମିଳିତ ପେଟ୍ରୋଲିଂ ବେଳେ ବଡ଼ଉଡେନ ଗାଁ ନିକଟରେ ଏକ ଖଇର କାଠ ବୋଝେଇ ମିନିଟ୍ରକ ଛାଡ଼ି ଅଭିଯୁକ୍ତମାନେ ଫେରାର ମାରିଥିଲେ । ଖଇର କାଠ ବୋଝେଇ ଟ୍ରକକୁ ଜବତ କରି ବନବିଭାଗ ଖପ୍ରାଖୋଲ ବନବିଭାଗ କାର୍ଯ୍ୟାଳୟକୁ ଆଣିଥିଲେ । ଚଢାଉ ବେଲେ ହରିଶଙ୍କର ବନାଞ୍ଚଳ ଆଧିକାରୀ ଗିରିଧାରି ନାଗ ,ପାଟଣାଗଡ ବନାଞ୍ଚଳ ଅଧିକାରୀ ଆନନ୍ଦଚନ୍ଦ୍ର ବିଶି, ହରିଶଙ୍କର ବାନପାଳ ଅରବିନ୍ଦ ଧାରୁଆ, ଖପ୍ରାଖୋଲ ବନପାଳ ସୁଧିର ଜେନା ସମେତ ବନକର୍ମଚାରୀ ଉପସ୍ଥିତ ଥିଲେ । ଏ ନେଇ ହରିଶଙ୍କର ବନାଞ୍ଚଳ ୟୁଡି କେସ ନମ୍ବର ୩/୨୨ରେ ଏକ ମାମାଲା ରୁଜୁ କରି ହାରାହାରି ତିନି ଟନ ଖଇର କାଠ ସହ ମିନିଟ୍ରକ ନମ୍ବର ( ଓଆର ୧୭ଡି ୧୪୭୩ ) ଗାଡି ଜବତ ହୋଇଥିବା ହରିଶଙ୍କର ବନାଞ୍ଚଳ ଅଧିକାରୀ ଗିରିଧାରୀ ନାଗ ସୂଚନା ଦେଇଛନ୍ତି ।
