ଦଶପଲ୍ଲା : ଦଶପଲ୍ଲା ନିକଟସ୍ଥ ଖମାରସାହି ନୋଡାଲ ଉଚ୍ଚ ବିଦ୍ୟାଳୟର ଧନ୍ଦାମୂଳକ ଶିକ୍ଷା ପାଠ୍ୟକ୍ରମର ଛାତ୍ରଛାତ୍ରୀଙ୍କ ଦ୍ୱାରା ଶିଳ୍ପାନୁଷ୍ଠାନ ପରିଭ୍ରମଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ଅଟୋମୋଟିଭ ଓ ଇଲୋକ୍ଟ୍ରୋନିସ ଦୁଇଟି ବିଭାଗର ଛାତ୍ରଛାତ୍ରୀଙ୍କ ମାନେ ଶିଳ୍ପାନୁଷ୍ଠାନ ପରିଭ୍ରମଣ କରି ବିଭିନ୍ନ ଜ୍ଞାନକୌଶଳ ଉପରେ ଶିକ୍ଷାଗ୍ରହଣ କରିଛନ୍ତି । ପ୍ରଧାନଶିକ୍ଷକ ପ୍ରମୋଦ କୁମାର ପ୍ରଧାନ ଓ ଧନ୍ଦାମୂଳକ ଶିକ୍ଷା ବିଭାଗର ଭାରପ୍ରାପ୍ତ ଅଧିକାରୀ ବସନ୍ତ କୁମାର ସାହୁଙ୍କ ତତ୍ତ୍ୱାବଧାନରେ ବିଦ୍ୟାଳୟର ଛାତ୍ରଛାତ୍ରୀମାନେ ସିମା ମୋଟର୍ସ ଓ ଆଇଟିଆଇ ଶିକ୍ଷାନୁଷ୍ଠନ ପରିଭ୍ରମଣ କରି ବିଭିନ୍ନ ଯନ୍ତ୍ରପାତିର ବ୍ୟବହାର ଓ ଜ୍ଞାନକୌଶଳ ଉପରେ ଶିକ୍ଷା ଗ୍ରହଣ କରିଥିଲେ । ଏହି କାର୍ଯ୍ୟକ୍ରମରେ ବିଦ୍ୟାଳୟର ଧନ୍ଦାମୂଳକ ଶିକ୍ଷା ବିଭାଗର ଦୁଇ ଶିକ୍ଷକଙ୍କ ସମେତ ଅନ୍ୟମାନେ ସହଯୋଗ କରିଥିଲେ । ଶିଳ୍ପାନୁଷ୍ଠାନ ପରିଭ୍ରମଣରେ ଶହେରୁ ଉର୍ଦ୍ଧ୍ୱ ଛାତ୍ରଛାତ୍ରୀ ସାମିଲ ହୋଇଥିବା ବେଳେ ଛାତ୍ରଛାତ୍ରୀମାନଙ୍କ ଶିକ୍ଷାରେ ଏହା ବେଶ୍ ସହାୟକ ହେବ ବୋଲି ଶିକ୍ଷକମାନେ ମତପ୍ରକାଶ କରିଛନ୍ତି ।
