ଖପ୍ରାଖୋଲ : ଖପ୍ରାଖୋଲ ବ୍ଲକ ଘୁନସରଠାରେ ପଞ୍ଚାୟତ ସେବା ଶିବିର ଅନୁଷ୍ଠିତ ହୋଇଯାଇଛି । ଜିପିଓ ସୁଶାନ୍ତ ପାଣି ଅଧ୍ୟକ୍ଷତାରେ ଅନୁଷ୍ଠିତ ଶିବିରରେ ବ୍ଲକ ବିଡ଼ିଓ ରଶ୍ମିରଞ୍ଜନ ରାଉତ, ତହସିଲଦାର ଆଦିତ୍ୟ ପ୍ରସାଦ ମିଶ୍ର, ଲାଠୋର ଥାନା ଅଧିକାରୀ ଝସକେତନ ଭୋଇ, ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ସୁରଜ ଦୀପ, ବ୍ଳକ କୃଷି ଅଧିକାରୀ ଡ଼ମ୍ୱରୁଧର ମେହେର, ବ୍ଲକ ପ୍ରାଣୀଧନ ନିରୀକ୍ଷକ ସୁଜିତ କୁମାର ଶତପଥୀ, ଏପିଓ ସୁଶାନ୍ତ କୁମାର ସାହୁ, ବିପିଏମ୍ ମନୋଜ କେରକେଟା, ବିଏସଏସ ଓ କନିଷ୍କ ବିଭାର ଉପସ୍ଥିତ ଥିଲେ । ସରକାରୀ କର୍ମଚାରୀ ମାନେ ଗାଁ ଗାଁ ରେ ରହୁଥିବା ଲୋକଙ୍କ ସମସ୍ୟାର ସମାଧାନ କରିବା ପାଇଁ ଶିବିରଟି ଅନୁଷ୍ଠିତ ହୋଇଥିଲା । ଅନୁଷ୍ଠିତ ଶିବିରରେ ୨୦୮ ଟି ଅଭିଯୋଗ ପଞ୍ଜିକୃତ ହୋଇଥିବା ବେଳେ ତତ୍କାଳ ୨୪ଟି ସମସ୍ୟା ସମାଧାନ ହୋଇଥିଲା ସୂଚନା ମିଳିଛି । ଶିବିରରେ ଜିଲ୍ଲା ପରିଷଦ ସଭ୍ୟା ଜୋନ ୪- ପ୍ରମିଳା ପାଥର, ଜିଲ୍ଲା ପରିଷଦ ସଭ୍ୟା ସଂଯୁକ୍ତ ମେହେର, ଘୁନସର ସରପଞ୍ଚ ଅନୁସାୟା ସାହୁ ଓ ଶତାଧିକ ଜନ ସାଧାରଣ ଉପସ୍ଥିତ ଥିଲେ ।
