ସୁବର୍ଣ୍ଣପୁର: ଜିଲ୍ଲାର ଆର୍ଟ୍ସ ଟେମ୍ପୁଲ ଜୁଡୋକରାଟେ ସ୍କୁଲର ୮ ଜଣ ଛାତ୍ର ବୌଦ୍ଧର ରାମଲୀଳା ପଡିଆ ଠାରେ ଆୟୋଜିତ ହୋଇଥିବା ଆନ୍ତଃଜିଲ୍ଲା ମାର୍ସଲ ଆର୍ଟ ବେଲ୍ଟ ଗ୍ରେଡିଂ ପ୍ରତିଯୋଗିତାରେ ଭାଗନେଇ କୃତିତ୍ୱର ସହ ବିଭିନ୍ନ ବେଲ୍ଟ ହାସଲ କରିବାରେ ସମର୍ଥ ହୋଇଛନ୍ତି । ସୁବର୍ଣ୍ଣପୁର ଆର୍ଟ୍ସ ଟେମ୍ପୁଲ ଜୁଡୋକରାଟେ ସ୍କୁଲର କୋଚ୍ (ଥାର୍ଡ଼ ଡାଉନ ବ୍ଲାକ୍ ବେଲ୍ଟ) ସୁରଜ ପୂଜାହାରୀଙ୍କ ନେତୃତ୍ୱରେ ସମସ୍ତ ପ୍ରତିଯୋଗୀ ଏହି ବେଲ୍ଟ ଟେଷ୍ଟ୍ ପ୍ରତିଯୋଗିତାରେ ଅଂଶଗ୍ରହଣ କରି ବିଭିନ୍ନ ବେଲ୍ଟ ହାସଲ କରିଥିଲେ । ସର୍ବଶ୍ରୀ ରାଜା ସାହୁ, ଅମୃତ୍ୟାଂଶୁ ୟଲୋ ବେଲ୍ଟ ଓ ସଙ୍ଗମ ମେହେର ଓ ବୃନ୍ଦାବନ ଭୋଇ ବ୍ଲୁ (ସିନିଅର) ବେଲ୍ଟ ପାଇଛନ୍ତି । ରଘୁନାଥ ହୋତା ପର୍ପଲ୍ ଓ ମିଲନ କୁମାର ଦାସ ଗ୍ରୀନ୍ ବେଲ୍ଟ ପାଇବାରେ ସକ୍ଷମ ହୋଇଥିବା ବେଳେ ସଞ୍ଜୟ ତାଣ୍ଡିଆ ଓ ନିମାଇଁ ମହାକୁଡ଼ ବ୍ରାଉନ୍ ବେଲ୍ଟ ପାଇଛନ୍ତି । ଏହି ବେଲ୍ଟ ଟେଷ୍ଟ ପ୍ରତିଯୋଗିତାରେ ମୁଖ୍ୟ ଅତିଥି ଭାବରେ କାନସିନ୍ କାଇ କରାଟେ ଚିଫ୍ ଜ୍ଞାନରଞ୍ଜନ ମହାନ୍ତି ଯୋଗଦେଇ କୃତି ପ୍ରତିଯୋଗୀମାନଙ୍କୁ ବେଲ୍ଟ ପ୍ରଦାନ କରିଥିଲେ । ଜିଲ୍ଲାର ସମସ୍ତ କୃତି ପ୍ରତିଯୋଗୀମାନଙ୍କୁ ଆର୍ଟ୍ସ ଟେମ୍ପୁଲ ଜୁଡୋକରାଟେ ସ୍କୁଲର ସଭାପତି ସୁକାନ୍ତ କୁମାର ସାହୁ, ସ୍ମାର୍ଟପାର୍କର ପ୍ରାତଃଭ୍ରମଣ ସଂଘ କର୍ମକର୍ତ୍ତା ତଥା ଅଭିଭାବକ ସମୂହ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି ।
