କ.ନୂଆଗାଁ: କ.ନୂଆଗାଁ ବ୍ଲକ ଅନ୍ତର୍ଗତ ସାରଙ୍ଗଡ ଠାରେ ଗାଲାକ୍ସି ସ୍ପୋର୍ଟସ ଏଣ୍ଡ କଲଚୁରାଲ କ୍ଲବ ପକ୍ଷରୁ ସାରଙ୍ଗଡିଆନ ଫୁଟବଲ ଲିଗ ୨୦୨୨ ଉଦଘାଟିତ ହୋଇଯାଇଛି । ଏହି ଉଦଘାଟନି ମ୍ୟାଚ କାର୍ଯ୍ୟକ୍ରମକୁ କ.ନୂଆଗାଁ ବ୍ଲକ ସାଂସଦ ପ୍ରତିନିଧି ସହଦେବ ପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇ ଉଦଘାଟନ କରିଥିଲେ । ସମ୍ମାନିତ ଅତିଥିଭାବେ ବଣ୍ଡଗୁଡା ସରପଞ୍ଚ ସଞ୍ଜୟ ପ୍ରଧାନ, ସାରଙ୍ଗଡ ସରପଞ୍ଚ ବରୁଣ କହଁର, ଜିରିଡ଼ିକିୟା ସରପଞ୍ଚ ରାଜକୁମାରୀ ପ୍ରଧାନ, ପୂର୍ବତନ ଫୁଟବଲ ଖେଳାଳି ରାକେଶ କୋଠଦଳେଇ, ଠାକୁର ବିଷୋୟୀ ଯୋଗଦେଇଥିଲେ । ସାରଙ୍ଗଡ ବଣ୍ଡଗୁଡା, ଜିରିଡ଼ିକିୟା ଏହି ତିନୋଟି ପଂଚାୟତର ତେରଗୋଟି ଦଳକୁ ନେଇ ଆୟୋଜନ କରାଯାଇଛି । ଏହି କାର୍ଯ୍ୟକ୍ରମର ମୁଖ୍ୟ ଲକ୍ଷ ହେଲା ସ୍ଥାନୀୟ ଅଞ୍ଚଳର କ୍ରୀଡ଼ାବିତମାନେ ଉତ୍ତମ ଖେଳ ପ୍ରଦର୍ଶନ କରି ଜିଲ୍ଲା ସ୍ତରରୁ ଅନ୍ତର୍ଜାତୀୟ ସ୍ତରରେ ଖ୍ୟାତି ଅର୍ଜନ କରିବା ସହ ସୁନାମ ଅର୍ଜନ କରିବେ । ଆଜିର ଉଦଘାଟନ ମ୍ୟାଚରେ ସାରଙ୍ଗଡ ଓ କଂଗେରିକିୟା ମଧ୍ୟରେ ପ୍ରତିଯୋଗିତା ହୋଇଥିଲା । ଆଜିର ଖେଳଟିକୁ ରେଫରି ଅମିତ କୁମାର ବିଶୋଇ ପରିଚାଳନା କରିଥିବା ବେଳେ ଆସିଷ୍ଟାଣ୍ଟ ରେଫରି ରାଧାକାନ୍ତ ବିଶୋଇ, ଆଖିଳାନନ୍ଦ ବିଷୋୟୀ, ସରୋଜ ବିଷୋୟୀ ସହଯୋଗ କରିଥିଲେ । ଦୁଇ ବର୍ଷ ହେଲା କରୋନା ମହାମାରୀ ପାଇଁ କୌଣସି ଖେଳ ହୋଇ ନଥିବାରୁ ଆଜିର ଏହି ଖେଳକୁ ଦେଖିବାକୁ ଦର୍ଶକଙ୍କ ଭିଡ ଜମିଥିଲା ।
