ଦଶପଲ୍ଲା : ରବିବାର ଦିନ ଦଶପଲ୍ଲା ପୋଲିସ ଏକ ଗଞ୍ଜେଇ ବୋଝେଇ କାର ସହ କାର ଭିତରେ ଥିବା ଜଣଙ୍କୁ ଗିରଫ କରିଥିବା ବେଳେ କାର ଡ୍ରାଇଭର ଫେରାର ହୋଇଯାଇଛି । ସୂଚନା ଯୋଗ୍ୟ ଯେ ବାଣୀଗୋଛା ପାର୍ଶ୍ୱରେ ଦଶପଲ୍ଲା ଅଭିମୁଖେ ଆସୁଥିବା ଏକ ଗଞ୍ଜେଇ ଭର୍ତ୍ତି କାରକୁ ପୋଲିସ ସ୍ଥାନୀୟ ଏସାର ପେଟ୍ରୋଲ ପମ୍ପ ନିକଟରେ ଧରିବାକୁ ସଫଳ ହୋଇଥିଲା । ମାତ୍ର କାରକୁ ଅଟକାଇବା ସମୟରେ କାର ଡ୍ରାଇଭର କାର ଛାଡ଼ି ଦୌଡ଼ି ପଳାଇଥିବା ବେଳେ ପୋଲିସ ପଛରେ ଗୋଡାଇବି ଧରିପାରି ନ ଥିଲା । ମାତ୍ର କାର ପଛ ସିଟରେ ବସିଥିବା ଅନ୍ୟ ଜଣଙ୍କୁ ଧରିବାରେ ସଫଳ ହୋଇଥିଲା । ପରେ ପୋଲିସ କାରକୁ ଜବତ କରିବା ସହ କାର ଭିତରେ ଥିବା ଗଞ୍ଜେଇକୁ ଜବତ କରିଥିବା ବେଳେ କାର ଭିତରେ ଥିବା ଯୁବକକୁ ଗିରଫ କରିଥିଲା । ଏହି ଘଟଣାରେ ପୋଲିସ ପକ୍ଷରୁ ଏକ ମୋକଦ୍ଦମା କରାଯାଇଛି । ବର୍ତ୍ତମାନ ସୁଦ୍ଧା ସ୍ଥାନୀୟ ଗଣମାଧ୍ୟମ ପ୍ରତିନିଧି ମାନଙ୍କୁ ଦଶପଲ୍ଲା ଥାନା ତରଫରୁ ଏ ନେଇ କୌଣସି ସୂଚନା ଦିଆଯାଇନାହିଁ ।
