କ.ନୂଆଗାଁ/ଘୁ ଉଦୟଗିରୀ:ନୂଆଗାଁ ବ୍ଲକ ଅନ୍ତର୍ଗତ ସାରଙ୍ଗଡ଼ ମଦରସାହି ସାଧନ କେନ୍ଦ୍ର ତରଫରୁ ବଣ୍ଡଗୁଡା ଉଚ୍ଚ ପ୍ରାଥମିକ ବିଦ୍ୟାଳୟରେ ଏକ ଦିନିକିଆ ଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସମସ୍ତ ଶିକ୍ଷକ ଓ ଶିକ୍ଷୟିତ୍ରୀଙ୍କ ମିଳିତ ଉଦ୍ୟମରେ ପାଞ୍ଚଟି ଶିକ୍ଷଣ କାର୍ଯ୍ୟକ୍ରମ କରାଯାଇଥିଲା । ଏହି କାର୍ଯ୍ୟକ୍ରମଟି ସାଧନା ସଂଯୋଜକ ସୁନୀଲ କୁମାର ସାହୁ ପରିଚାଳନା କରିଥିବାବେଳେ ପ୍ରଧାନ ଶିକ୍ଷକ ସନ୍ତୋଷ କୁମାର ଦିଗାଲ ସହଯୋଗ କରିଥିଲେ । ଏହି କାର୍ଯ୍ୟକ୍ରମରେ ରଜତ କୁମାର ନାୟକ ଅଷ୍ଟମ ଶ୍ରେଣୀ ଇଂରାଜୀ, ସ୍ୱାଗତିକା ସିଂ, ପ୍ରୀତିଲଗ୍ନା ସାହୁ ଶ୍ରେଣୀ ଷଷ୍ଠ ବିଜ୍ଞାନ, ସସ୍ମିତା ମାଡାମ ଦ୍ୱିତୀୟ ଶ୍ରେଣୀ ପରିବେଶ ଏବଂ ପଦ୍ମିନୀ ପଣ୍ଡା ତୃତୀୟ ଶ୍ରେଣୀ ଗଣିତ ଆଦି ବିଷୟରେ ଶିକ୍ଷକ ଶିକ୍ଷୟିତ୍ରୀ ଭାଗ ନେଇ ପିଲାଙ୍କୁ ଶିକ୍ଷାଦାନ କରିଥିଲେ । ସୁନ୍ଦର ଓ ସରଳ ଶୈଳୀ ମାଧ୍ୟମରେ ପିଲାମାନେ କିପରି ପାଠ ବୁଝିପାରିବେ ସେହି ମାଧ୍ୟମକୁ ଆଧାର କରି ବିଭିନ୍ନ ପ୍ରକାର ଶିକ୍ଷା ସରଞ୍ଜାମ ଉପକରଣ ଏବଂ ଚିତ୍ର ଆଦି ନେଇ ପିଲାଙ୍କୁ ଶିକ୍ଷାଦାନ କରିଥିଲେ ।
