ଦଶପଲ୍ଲା :ନୟାଗଡ ସ୍ୱାଧୀନତା ସଂଗ୍ରାମର ଆଦ୍ୟଭୂମୀ କୁହାଯାଉଥିବା ଗୌଡ଼ ଥୁଆବାରୀ ଗ୍ରାମରେ ୮୧ତମ ବୀର ସହିଦ କଷ୍ଟି ଡାକୁଆ ଦିବସ ପାଳିତ ହୋଇଯାଇଛି । ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଜାକେଡା ପଞ୍ଚାୟତର କୁଶବିଡା ଗ୍ରାମରେ ଜନ୍ମଗ୍ରହଣ କରିଥିବା ସ୍ୱାଧୀନତା ସଂଗ୍ରାମୀ କଣ୍ଡୁରୀ ପରିଡ଼ା , ବୁଧୀ ପରିଡ଼ା ଓ ଦୟା ବେହେରାଙ୍କ ସହିଦ ଦିବସ ମଧ୍ୟ ପାଳିତ ହୋଇଛି । ଏହି ଅବସରରେ ଜିଲ୍ଲା ପ୍ରଶାସନ ପକ୍ଷରୁ ତୋପ ସଲାମୀ ଦିଆଯିବା ସହିତ ଶହୀଦ ମାନଙ୍କ ଶ୍ରାଦ୍ଧ ଦିବସ ତଥା ପ୍ରଜାମଣ୍ଡଳ ଆନ୍ଦୋଳନର ଅଗ୍ରଣୀ ବୀର ସଂଗ୍ରାମୀ କଣ୍ଡୁରୀ ପରିଡା, ବୁଦ୍ଧି ପରିଡା ଓ ଦୟା ବେହେରାଙ୍କ ସ୍ମୃତି ଉଦ୍ଦେଶ୍ୟରେ ୮୯ତମ ସହିଦ ସ୍ମାରକୀ ସମାରୋହ ଅନୁଷ୍ଠିତ ହୋଇଯାଇଛି । ସାଧିନତା ସଂଗ୍ରାମୀ ଆଦର୍ଶ ଗ୍ରାମ, ଗୌଡ଼ ଥୁଆବାରୀରେ ପତାକା ଉତ୍ତୋଳନ, କୁଇଜ୍ ପ୍ରତିଯୋଗିତା, ସାଧାରଣ ସଭା ଓ ସାଂସ୍କୃତିକ କାର୍ଯ୍ୟକ୍ରମମାନ ଆୟୋଜିତ ହୋଇଥିଲା । ଏଥିରେ ଜିଲ୍ଲା ପ୍ରଶାସନଠାରୁ ଆରମ୍ଭ କରି ବ୍ଲକସ୍ତରୀୟ ଅଧିକାରୀ, ଜନପ୍ରତିନିଧି ଓ ସମାଜସେବୀ ମାନେ ଉପସ୍ଥିତ ରହିଥିଲେ ।
