ଫୁଲବାଣୀ :- କନ୍ଧମାଳ ଜିଲ୍ଲା ଫୁଲବାଣୀ ବନ ବିଭାଗ ରେଞ୍ଜ ପକ୍ଷରୁ ଚଢ଼ଉ କରି ବିପୁଳ ପରିମାଣର ବିରଳ ବଜ୍ରକାପ୍ତା କାତି ଜବତ କରିବା ସହ ଏହି ମାମଲାରେ ୪ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଗିରଫ ଅଭିଯୁକ୍ତ ମାନେ ହେଲେ ଖଜୁରୀପଡା ଘୁଗୁଲ ସାହିର ରାଧାକାନ୍ତ ବେହେରା(୫୫) ଓ ରବୀନ୍ଦ୍ର ଗଣ୍ଡା(୭୦), ବୌଦ୍ଧ ଜିଲ୍ଲା ଆଡି଼ ନିଗଡ଼ ଅଂଚଳର ପ୍ରକାଶ ସାହୁ(୩୦) ଓ ବୌଦ୍ଧ ମାଧପୁର ଅଂଚଳର ସୁଶାନ୍ତ କୁମାର ବେହେରା (୨୬) । ଏମାନେ ସମସ୍ତ ଏଥିରେ ସମ୍ପୃକ୍ତ ଥିବା ନେଇ ଫୁଲବାଣୀ ଡ଼ିଏଫଓ ପ୍ରଶାନ୍ତ ପଟେଲ ସୂଚନା ଦେଇଛନ୍ତି । ବଜ୍ରକାପ୍ତା କାତି ଚୋରା ଚାଲାଣ କରିବା ପାଇଁ ରଖା ଯାଇଥିବା କୌଣସି ସୂତ୍ରରୁ ଖବର ପାଇବା ପରେ ସମ୍ପୃକ୍ତ ଘର ଉପରେ ବନ ବିଭାଗ ଟିମ ଚଡାଉ କରି ପ୍ରାୟ ୨ କେଜି ୫୬୬ ଗ୍ରାମ ଓଜନର ୫୬୫ ଗୋଟି କାତି ଜବତ କରିଥିଲେ । ଏ ନେଇ ଫୁଲବାଣୀ ବନ ବିଭାଗ ରେଞ୍ଜ ପକ୍ଷରୁ ୯୧ /୨୨ ରେ ମାମଲା ରୁଜୁ କରାଯାଇ ଥିବା କଥା ରେଞ୍ଜର ସଚ୍ଚିଦାନନ୍ଦ ସେଠି କହିଛନ୍ତି । ଚଢ଼ାଉ ବେଳେ ରେଞ୍ଜର ସେଠିଙ୍କ ସମେତ ସମସ୍ତ କର୍ମଚାରୀ ସହଯୋଗ କରିଥିଲେ । ଡ଼ିଏଫ ଓ ତଥା ଯୁବ ଆଇଏଫଏସ ପ୍ରଶାନ୍ତ ପଟେଲଙ୍କ ପ୍ରତ୍ୟକ୍ଷ ତତ୍ୱାବଧାନରେ କର୍ମଚାରୀ ମାନେ ଚଢ଼ାଉ କରି ବଜ୍ରକାପ୍ତା କାତି ଜବତ କରିବାରେ ସଫଳ ହୋଇ ଥିଲେ ।
