ଖପ୍ରାଖୋଲ,୧୪/୧୦ : ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ଓଡିଆପାଲି ପଞ୍ଚାୟତର ବସୁଦେବ ନାଏକ ବୟସ ୮୩ ବର୍ଷ , ସ୍ତ୍ରୀ ପ୍ରଭାତୀ ନାଏକ ବୟସ ୭୫ ବର୍ଷ ଓ ତାଙ୍କ ଝିଅ ଗୁଲାପି ନାଏକ ବୟସ ୪୨ ବର୍ଷ ଭାଲୁୁଡୁଙ୍ଗୁରୀ ଗ୍ରାମରେ ବସବାସ କରନ୍ତି । ସୂଚନା ମୁତାବକ ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ କରି ଘର ଖଣ୍ଡିଏ ଯୋଗାଇ ଦେବାପାଇଁ ଅନେକଥର ପ୍ରଶାସନର ଦ୍ୱାରସ୍ଥ ହୋଇଥିଲେ ମଧ୍ୟ ତାଙ୍କୁ ଆଜିପର୍ଯ୍ୟନ୍ତ ତାଙ୍କୁ ଘର ଖଣ୍ଡିଏ ମିଳିନାହିଁ । ସେ ଜଣେ ଗରିବ ଶ୍ରେଣୀର ହୋଇଥିବାବେଳେ ଏହି ଆବାସ ଯୋଜନା ଗରିବଙ୍କ ପାଇଁ ହିଁ କରାଯାଇଛି । କିନ୍ତୁ ସେ ଏହି ଆବାସ ଯୋଜନା ପାଇବାରୁ ବଞ୍ଚିତ ହୋଇଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି । ତେଣୁ ଖୁବଶୀଘ୍ର ବ୍ଲକ ପ୍ରଶାସନ ସହାୟତାର ହାତ ବଢାଇ ବସୁଦେବଙ୍କ ପରିବାରକୁ ଘର ଯୋଗାଇ ଦେବାକୁ ସ୍ଥାନୀୟ ଗ୍ରାମବାସୀ ଦାବି କରିଛନ୍ତି ।
