ଖପ୍ରାଖୋଲ,୧୭/୧୦: ଖପ୍ରାଖୋଲ ବ୍ଲକ ସ୍ଥାନୀୟ ପଞ୍ଚାୟତର ବଡ ଗୁର୍ଜିଭଟା ପ୍ରାଥମିକ ବିଦ୍ୟାଳୟରେ ନିମ୍ନମାନର ସ୍କୁଲ ପୋଷାକ ଛାତ୍ରଛାତ୍ରୀ ମାନଙ୍କୁ ଦିଆଯାଇଥିବା ଭିଡିଓ ଫଟୋ ଦେବରାଜ ବାରିକ ନାମକ ଜଣେ ଯୁବକ ଭାଇରାଲ୍ କରିଛନ୍ତି । ଭାଇରାଲ ଭିଡିଓରୁ ଜଣାପଡୁଛି ଏହି ସ୍କୁଲ ଡ୍ରେସଟି ଦିନଟିଏ ପିନ୍ଧିଲା ପରେ ତାହା ଚିରିଯାଇଛି । ବିଭାଗ ତରଫରୁ ମିଳିଥିବା ସୂଚନା ଅନୁସାରେ ବର୍ଷକରେ ଥରେ ପ୍ରଥମରୁ ଅଷ୍ଟମ ଶ୍ରେଣୀର ଛାତ୍ରଛାତ୍ରୀ ମାନଙ୍କୁ ସ୍କୁଲକୁ ୟୁନିଫର୍ମ ପିନ୍ଧିକିଯିବା ପାଇଁ ସରକାରଙ୍କ ତରଫରୁ ଦୁଇଖଣ୍ଡ ଲେଖାଏଁ ଡ୍ରେସ ଓ ଗୋଟିଏ ହଳ ଜୋତା, ମୋଜା ଦିଆଯାଇଥାଏ । କିନ୍ତୁ ଏଭଳି ନିମ୍ନମାନର ପୋଷାକ ଦିଆଯାଇଥିବାରୁ ଅଭିଭାବକମାନେ ଅସନ୍ତୋଷ ପ୍ରକାଶ କରିଛନ୍ତି । ଏନେଇ ସି.ଆର୍.ସି ଶାନ୍ତନୁ ମିଶ୍ରଙ୍କୁ ପଚାରିବାରୁ ସେ କହିଛନ୍ତି ଘଟଣା ବିଷୟରେ ମୁଁ ଅବଗତ ନଥିଲି ମୁଁ ଏହି ଅଭିଯୋଗର ତଦନ୍ତ କଲାପରେ କହିପାରିବି ବୋଲି କହିଥିଲେ ।
