ଦଶପଲ୍ଲା : ନୟାଗଡ଼ ଜିଲ୍ଲା ଓଡ଼ଗାଁ ଥାନା ଅନ୍ତର୍ଗତ ପାଣ୍ଡେରିପଡ଼ା ପଞ୍ଚାୟତ ଦେଓଗାଁ ଗ୍ରାମରେ ଦିନ ଦ୍ୱିପହରେ ହୋଇଛି ଏକ ଲୁଟ୍ । ପତଞ୍ଜଳୀ କମ୍ପାନୀର ପ୍ରଚାର କରିବାକୁ ଆସି ଦୁଇଯୁବକ ପ୍ରାୟ ଅଢେଇ ଲକ୍ଷ ଟଙ୍କାର ସୁନାଅଳଙ୍କାର ଲୁଟି ନେଇଥିବା ଓଡ଼ଗାଁ ଥାନାରେ ଅଭିଯୋଗ ହୋଇଛି । ସୂଚନା ଅନୁଯାୟୀ ମଙ୍ଗଳବାର ଦ୍ୱିପ୍ରହରରେ ଦୁଇଜଣ ଯୁବକ ମାସ୍କପିନ୍ଧି ଦେଓଗାଁକୁ ଆସି ପତଞ୍ଜଳି ଉତ୍ପାଦର ପ୍ରଚାର କରିବା ସହିତ ସୁନା ଅଳଙ୍କାର ସଫାକରିବାକୁ କହିଥିଲେ । ଯୁବକଙ୍କ କଥାରେ ପ୍ରଲୋଭିତ ହୋଇ ଗ୍ରାମର ୩ ପରିବାର ପ୍ରିୟମ୍ବଦା ନାୟକ କାନର ୧ହଳ , ୧ଟି ମଙ୍ଗଳସୂତ୍ର , ଅର୍ପିତା ପ୍ରଧାନ ୧ହଳ କାନର , ୧ଟି ମଙ୍ଗଳସୂତ୍ର ଓ ଭଗବାନ ନାୟକ ୧ହଳ କାନର ସଫା କରିବାକୁ ଦେଇଥିବାବେଳେ ସମସ୍ତ ଅଳଙ୍କାର ନେଇ ଏହିଦୁଇ ଯୁବକ ସେଠାରୁ ଫେରାର ହୋଇଯାଇଥିଲେ । ଲୁଟି ନେଇଥିବା ସୁନା ଅଳଙ୍କାରର ଆନୁମାନିକ ମୂଲ୍ୟ ଅଢେଇଲକ୍ଷ ଟଙ୍କା ହେବ ବୋଲି ଜଣାପଡିଛି । ଏହି ଯୁବକ ନାଲିରଙ୍ଗର ଡ୍ରେସ୍ ପିନ୍ଧିବା ସହିତ ମାସ୍କ ପିନ୍ଧିଥିଲେ ଏବଂ କଳା ରଙ୍ଗର ବାଇକ୍ ବ୍ୟବହାର କରୁଥିବା ସ୍ଥାନୀୟ ଲୋକେ କହିଛନ୍ତି । ଘଟଣାକୁ ଗୁରୁତର ଭାବେ ନେଇ ଓଡ଼ଗାଁ ପୁଲିସ ତଦନ୍ତ ଜାରି ରଖିଥିବା ଜଣାପଡ଼ିଛି ।
