ଦଶପଲ୍ଲା : ଆଜି ନୟାଗଡ଼ ବିଜୁ ଜନତା ଦଳ ଆୟୋଜନ କରିଛି ବିଶାଳ ଜନସମ୍ପର୍କ ପଦଯାତ୍ରା । ଖବର ଲେଖାଯିବା ସୁଦ୍ଧା ୧୫ ହଜାରରୁ ଉର୍ଦ୍ଧ୍ୱ ବିଜେଡି କର୍ମୀ ଏହି ପଦଯାତ୍ରାରେ ସାମିଲ ହୋଇଥିବା ଦେଖିବାକୁ ମିଳିଛି । ନୟାଗଡ଼ ବିଜୁ ଜନତା ଦଳର ସିନ୍ଦୁରିଆସ୍ଥିତ କାର୍ଯ୍ୟାଳୟଠାରୁ ଆରମ୍ଭ ହୋଇ ଶାଳଭଞ୍ଜ ତୋଟା ପର୍ଯ୍ୟନ୍ତ ଏହି ପଦଯାତ୍ରା ଅନୁଷ୍ଠିତ ହେବ ବୋଲି ଜଣାପଡିଛି । ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ ଓ ନୟାଗଡ଼ ବିଧାୟକ ଡ଼. ଅରୁଣ କୁମାର ସାହୁଙ୍କ ସଂଯୋଜନାରେ ଆୟୋଜିତ ପଦଯାତ୍ରାରେ ନୟାଗଡ଼ର ୨୯ ଗୋଟି ପଞ୍ଚାୟତ ସମେତ ପୌର ପରିଷଦର କର୍ମୀମାନେ ଯୋଗ ଦେଇଛନ୍ତି । ବିଶେଷ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱଚ୍ଛ ଶାସନ, ନିର୍ମଳ ଭାବମୂର୍ତ୍ତି, ରାଜ୍ୟ ସରକାରଙ୍କ ବିଭିନ୍ନ ଜନହିତକର କାର୍ଯ୍ୟର ସଫଳତା ଜନସାଧାରଣଙ୍କ ନିକଟରେ ପହଞ୍ଚାଇବା ପାଇଁ ଏହି ପଦଯାତ୍ରାର ମୂଳ ଲକ୍ଷ୍ୟ ବୋଲି ଜଣାପଡିଛି ।
